Әһли Бејт -АБНА- хәбәр аҝентлијинин вердији хәбәрә әсасән: МДБ өлкәләринин мүдафиә назирләри чәршәнбә ҝүнү Сочидә "Дөјүш бирлији - 2011" дөјүш атәши илә бирҝә Һава Һүҹумундан Мүдафиә тәлимләринин ссенарисини тәсдиг едибләр. Тәдбир ҹари илин август-октјабр ајларында кечириләҹәк. Тренд-ин мәлуматына ҝөрә, бу барәдә журналистләрә Русијанын мүдафиә назири Анатоли Сердјуков билдириб. Мәлуматы РИА Новости јајыб.
"Бу ҝүн һәмин тәлимин кечирилмәси нијјәтини тәсдиг етдик. Ону үч мәрһәләдә кечирәҹәјик. Дөјүш атышы илә практик һәрәкәтләри ики полигонда һәјата кечирәҹәјик: Газахыстандакы "Сары-Шаган" полигонунда вә Русијадакы "Ашулук" (Һәштәрхан вилајәти) полигонунда", - назир МДБ Мүдафиә Назирләри Шурасынын 60-ҹы иҹласы баша чатандан сонра дејиб.
Сердјуков ону да билдириб ки, иҹласда ҺҺМ саһәсиндә һәрби-техники әмәкдашлыг вә бирҝә рабитә вә автоматлашдырма системинин јарадылмасы мәсәләләри мүзакирә едилиб. Онун сөзләринә ҝөрә, назирләр радиасија, кимјәви вә биоложи вәзијјәтә нәзарәт вә гијмәтләндирмә мәсәләләри үзрә гаршылыглы әлагәнин гајдаларыны мүәјјәнләшдирибләр.
Назир гејд едиб ки,, Бирлик дөвләтләринин мүдафиә назирләри интеграсија просесләринин инкишафына бөјүк диггәт јетирирләр. "Бунунла әлагәдар МДБ иштиракчы дөвләтләринин 2015-ҹи иләдәк һәрби әмәкдашлыг консепсијасынынын әсас истигамәтләрини мүәјјәнләшдирмишик", - Сердјуков әлавә едиб.
О вурғулајыб ки, консепсијанын һәјата кечирилмәси үзрә тәдбирләр Мүдафиә Назирләри Шурасынын вә онун ишчи органларынын иллик фәалијјәт планларынын үзәринә дүшүр. "Бу һалда хүсуси диггәт һәрби тәјинатлы бирҝә системләрин јарадылмасына вә тәкмилләшдирилмәсинә јетирилир", - Русија мүдафиә назири әлавә едиб.
Диггәт: Хәбәрдән истифадә етдикдә мәнбәјә истинад лазымдыр
