Әһли Бејт -АБНА- хәбәр аҝентлијинин вердији хәбәрә әсасән: 1992-ҹи илдә мусават партијасындан сонра икинҹи партија олараг рәсми гејдијјатдан кечмиш Азәрбајҹан Ислам Партијасынын мүвәггәти сәдри Елчин Манафов Бакы шәһәриндә митинг кечирмәк үчүн пајтахт меријасына мүраҹиәт едиб. О, ијулун 5-дә Бакынын “Улдуз” метро стансијасы јахынлығында, јахуд “Тәбриз” кинотеатрынын гаршысында аксија кечирилмәсинә иҹазә истәјиб.
Елчин Манафов гејд едиб ки, бу, үчүнҹү мүраҹиәтдир: “Биринҹи дәфә партија адындан мүраҹиәт етмишдик вә бизә ҹаваблары белә олду ки, Азәрбајҹан Ислам Партијасы рәсми гејдијјата алынмајан гурум олдуғуна ҝөрә иҹазә верилә билмәз. Икинҹи дәфә өз адымдан мүраҹиәт етдим. Мүраҹиәтдә 10 мин нәфәрин иштирак едәҹәјини билдримишдик. Бизә ҹаваблары белә олду ки, шәхси мүраҹиәт үчүн бу гәдәр рәгәм чохдур. Үчүнҹү мүраҹиәтимиз дә шәхсидир вә бу дәфә 2 мин нәфәрин аксијада иштирак едәҹәјини билдирмишик”.
Партија сәдри гејд едиб ки, Бакы Шәһәр Иҹра Һакимијјәтинин ҹавабында Бибиһејбәтдәки стадиону митинг кечирмәк үчүн мүвафиг биләрсә, орада аксија кечирмәјә разыдырлар: “Әсас одур ки, биз өз сөзүмүзү дејәк вә бу митинг иҹазәли олсун ки, кимсә зијан чәкмәсин”.
Диггәт: Хәбәрдән истифадә етдикдә мәнбәјә истинад лазымдыр
