Әһли Бејт -АБНА- хәбәр аҝентлијинин вердији хәбәрә әсасән: Сумгајыт Инзибати Игтисад Мәһкәмәсиндә Сумгајыт сакини Азәр Әзизовун һәмин шәһәрдәки 23 сајлы орта мәктәбин директоруна гаршы иддиасына бахылыр. Ијунун 22-дә кечирилән мәһкәмә иҹласында Азәр Әзизов мәктәбин 5-ҹи синиф шаҝирди олмуш гызы Самирә Әзизованын бу илин апрелиндән һиҹаба ҝөрә дәрсә бурахылмамасынын вә мәктәбдән чыхарылмасынын ганунсуз олдуғуну деди. Билдирди ки, инди гызы тәһсилини бир литсејдә давам етдирир вә литсејә һәр ај 350 манат тәһсил һаггы өдәјир. Бу исә онун мадди имканлары хариҹиндәдир. О, мәһкәмәдән өвладынын 23 сајлы мәктәбә гајтарылмасыны, директорун үзәринә исә мәктәблинин һиҹабла мәктәбә бурахылмасына манечилик төрәтмәмәк вәзифәсинин гојулмасыны хаһиш етди.
Просесдә ҹавабдеһ кими иштирак едән мәктәб директору Фикрәт Гасымовса деди ки, шаҝирд мәктәбин дахили низамнамәсинә ујғун олараг һиҹабла мәктәбә бурахылмајыб.
«ДИРЕКТОРУН ШАҜИРДИ МӘКТӘБДӘН ЧЫХАРМАГ СӘЛАҺИЈЈӘТИ ЈОХДУР»
Анҹаг иддиачы директорла разылашмады. Деди ки, Назирләр Кабинетинин тәсдиг етдији «Үмумтәһсил Мәктәбинин Нүмунәви низамнамәси»ндә үмумијјәтлә, баш өртүјү мәсәләси јохдур. О ки галды, мәктәбин дахили низамнамәсинә, иддиачы бу низамнамәнин һүгуги әсасы олмадығыны билдирди: «О низамнамә Әдлијјә Назирлијиндә гејдијјатдан кечмәјиб вә һеч бир һүгуги әсасы јохдур. Шаҝирдин мәктәб рәһбәрлији тәрәфиндән дәрсләрдән кәнарлашдырылмасы да ганунсуздур. Тәһсил верәнин һүгуглары вар. О һүгугларын ичиндә һәр һансы ушағын дәрсә бурахылмамасы, дәрсдән кәнарлашдырылмасы һүгугу верилмәјиб».
«ШАҜИРД МӘКТӘБӘ ГАЈТАРЫЛА БИЛӘР, АММА...»
Мәктәб директору һакимә билдирди ки, шаҝирди мәктәбә гајтара биләр. Анҹаг һиҹаб мәсәләсинә зәманәт верә билмәз. Онун демәсинә ҝөрә, Тәһсил Назирлији орта мәктәбләрдән дахили низамнамәләри јығыб вә јахын вахтларда гејдијјатдан кечмәси үчүн һәмин низамнамәләр Әдлијјә Назирлијинә тәгдим олунаҹаг. Низамнамә гејдијјатдан кечдикдән сонра о, шаҝирди мәктәбә һиҹабла бурахмаг һүгугунда олмајаҹаг. Јәни шаҝирд истәсә дә, истәмәсә дә артыг һүгуги гүввәјә минмиш низамнамәјә табе олаҹаг.
Директор Фикрәт Гасымов: «Мән истәјәрдим, биринҹи нөвбәдә өз арамызда сөһбәт едәк, өз фикирләримизи дејәк. Тутаг ки, бу ҝүн мән арајыш вердим ки, мәктәбә бурахырам, о да бағышлады, иддиасындан әл чәкди. Анҹаг Низамнамә тәсдиг олунса, артыг мән о шаҝирди мәктәбә һиҹабла гајтармаг һүгугунда олмајаҹағам».
Валидејн Азәр Әзизов: «О Низамнамә тәсдигләнәндән сонра артыг бурда сизлик бир иш олмајаҹаг. Онда мән Конститусија Мәһкәмәсинә мүраҹиәт едәҹәм».
Азәр Әзизов деди ки, һәтта орта мәктәбдәки дахили низамнамә тәсдигләнсә белә, бу, Конститусијаја зидд олаҹаг: «Чүнки Конститусија виҹдан азадлығы принсипини ирәли сүрүб, һамыја истәдији динә етигад етмәјә имкан јарадыб. Ислам дининә етигад едән мәктәблини һиҹабла мәктәбә бурахмамаг дини ајры-сечкилијә јол вермәкдир».
ИШ АВРОПА МӘҺКӘМӘСИНӘ ҜЕДӘ БИЛӘР
Мәктәб директору вә һаким Хәјалә Ҹәмилова иддиачыдан барышыға ҝәлмәсини вә иддиасыны ҝери ҝөтүрмәсини хаһиш етдиләр. Азәр Әзизов иддиа әризәсиндә директордан мәнәви зәрәр кими 20.000 манат вә литсејә һәр ај өдәдији 350 манаты да тәләб едирди. О, иддиасынын јалныз тәзминат һиссәсини ҝери ҝөтүрдү. Мәктәбә бәрпа вә һиҹаба гадағанын ҝөтүрүлмәси һиссәсини исә гүввәдә сахлады.
Һаким тәрәфләрә өз араларында бир даһа данышыб гәрар гәбул етмәк үчүн ијунун 28-нә кими вахт верди.
Азәр Әзизов исә АзадлыгРадиосуна деди ки, һиҹаб проблеми јерли мәһкәмәләрдә һәллини тапмаса, бу иши Авропа Мәһкәмәсинә кими апараҹаг. Мәһкәмә иҹласы битдикдән сонра мәктәб директору илә иддиачы валидејн арасындакы илкин данышыгларда мәктәб директору анлатмаға чалышырды ки, Низамнамәни о јазмыр вә бу иш онун сәлаһијјәтиндә дејил.
тән илин сонунда мәктәблиләрин дәрсә мәктәбли формасында ҝәлмәсинин тәләб олунмасы диндарларын наразылығына сәбәб олуб, назирлик гаршысында аксијалар кечирилиб. Бир мүддәт әввәл исә Бакынын мүхтәлиф јерләриндә һиҹабы дәстәкләјән плакатлар јапышдырылыб, һәмчинин бәзи мәнзилләрин гапыларына тәһсил назири Мисир Мәрдановун орта мәктәбләрдә һиҹабын гадағасына даир ҝөстәриши әлејһинә вәрәгәләр пајланылыб. Тәһсил рәсмиләри бүтүн мәктәблиләрин дәрсә мәктәбли формасында ҝәлмәли олдуғуну билдирир. (Есмира Ҹавадова, Азадлыг радиосу)
Диггәт: Хәбәрдән истифадә етдикдә мәнбәјә истинад лазымдыр
