Әһли Бејт -АБНА- хәбәр аҝентлијинин вердији хәбәрә әсасән: Бу ҝүн АХҸП интернет азадлығынын мәһдудлашдырылмасы илә бағлы етираз бәјанаты гәбул едиб. Партијанын мәтбуат хидмәтинин јајдығы бәјанатда билдирилир ки, һакимијјәт сон 3 ајда реал һәјатдакы кими виртуал аләмдә дә (интернетдә) инсанларын азадлығыны мәһдудлашдырмаға башлајыб.
АХҸП хатырладыр ки, иҹтимаи-сијаси фәаллығын артдығы сон ајларда етиразчы мәтбу нәшр -“Азадлыг” гәзетинин сајты бир нечә дәфә кибер ҹинајәткарлыгла дағыдылыб; гәзетин вә ејни адлы бејнәлхалг радионун сајтларына ҝириш сүни формада чәтинләшдирилиб: “Ејни манеәләр АХҸП сәдри Әли Кәримлијә гаршы даһа ҝенишләндирилмиш формада тәтбиг едилиб. Һакимијјәт өз технологлары васитәси илә ҹинајәткарлыгла АХҸП сәдринин шәхси блогуна һүҹум едиб, ону сырадан чыхарыб. Блог бәрпа олунандан сонра Әли Кәримлинин ИП үнванына әнҝәл јарадараг ора јени материалларын јерләшдирилмәси мәһдудлашдырылыб. Бунунла кифајәтләнмәјәрәк АХҸП сәдринин мәнзилинә мүхтәлиф ујдурма вә бәһанәләрлә бир ај интернетин верилмәси дајандырылыб. АХҸП-нин фәал функсионерләри дә интернетдә арамсыз кибер-ҹинајәтләрә үз-үзәдир. АХҸП сәдрләринин мүавинләри Ҝөзәл Бајрамлы, Фуад Гәһрәманлы вә Рази Нуруллајевин дә мәнзилләриндән интернетә дахил олманын сүрәти сијаси сифаришлә төрәдилән техники манеәләр уҹбатындан азалдылыб. Фуад Гәһрәманлынын “Фаҹебоок” сосиал шәбәкәсиндәки һесабынын паролу сындырылараг әлә кечирилиб. Һәмин сәһифә АХҸП Рәјасәт Һејәтинин үзвү Натиг Әдиловун адына дәјишдириләрәк буҝүнәдәк мүхалифәтә гаршы тәхрибат үчүн истифадә олунур. Натиг Әдиловун өз сәһифәси тәшкил олунан шикајәтләр әсасында ҝуја сахта олдуғундан сон ики ајда ики дәфә бағладылыб”.
Бәјанатда билдирилир ки, плүрализм елементләрини сусдурмаға јөнәлик аддымлар бирбаша һакимијјәтдән гајнагланыр: “АХҸП азад фикирли инсанларын фәалијјәтинә мане төрәтмәк, интернетдә тәнгиди мүһитин јох олмасына наил олмаг үчүн ҝүҹ структурларында јарадылан хүсуси групларын варлығындан мәлуматлыдыр. Интернетә мүдахилә илә бағлы һакимијјәтинин фәалијјәтини АХҸП ҝериликчилик, ганунсузлуг кими дәјәрләндирәрәк писләјир. АХҸП һесаб едир ки, интернетдә сөз вә фикир азадлығынын мәһдудлашдырылмасына јөнәлик аддымлар ганунсуз олдуғундан дәрһал дајандырылмалыдыр”.
Партија тәләб едиб ки, һакимијјәт вәтәндашларын интернетдә өзүнү ифадә һүгугларына һөрмәт бәсләмәли, интернетдә гадаға вә манеәләри ҝүҹләндирмәк әвәзинә, јени дөврүн бу уникал наилијјәтиндән һәр кәсин бәһрәләнмәси үчүн имканлар јаратмалыдыр.
Диггәт: Хәбәрдән истифадә етдикдә мәнбәјә истинад лазымдыр
