Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанда торпаг саһәсини өзәлләшдирмәк үчүн илк олараг бир сыра сәнәдләрин гајдасында олмасы ваҹибдир.
буну мүлкијјәт мәсәләләри үзрә експерт Меһман Әлијев билдириб: «Бу, торпаг саһәсинин алгы-сатгы акты (јерли бәләдијјә тәрәфиндән верилир) вә торпаға дөвләт актыдыр (Торпаг вә Хәритәчәкмә Комитәси тәрәфиндән верилир)».
Мәһз бу сәнәдләр Дашынмаз Әмлакын Дөвләт Рејестри Хидмәтинин мүвафиг шөбәсинә тәгдим едилмәлидир. Бунунла јанашы, торпаг саһәсинин шәхсијјәт вәсигәсинин нотариал гајдада тәсдигләнмиш сүрәти, дөвләт рүсумунун өдәнилдијинә даир гәбз вә саир сәнәдләр дә бу гурума тәгдим олунмалыдыр.
М.Әлијев билдириб ки, бу сәнәдләрин тәгдиматындан бир мүддәт сонра торпаг саһибинә Дашынмаз Әмлакын Дөвләт Рејестри Хидмәти тәрәфиндән чыхарыш верилир.
Торпаг саһәсилә бағлы һәр һансы сәнәдин чатышмадығы тәгдирдә әразинин өзәлләшдирилмәси үчүн бәләдијјәјә мүраҹиәт олунмалы, чатышмајан сәнәд мәһз бу гурумдан алынмалыдыр:
«Бундан сонра Торпаг вә Хәритәчәкмә Комитәсинә мүраҹиәт олунмалы вә орадан торпаға дөвләт акты алынмалыдыр. Һәмин сәнәдләр Дашынмаз Әмлакын Дөвләт Рејестри Хидмәтинә тәгдим едилмәлидир».
Гејд едәк ки, Азәрбајҹан Республикасынын «Дөвләт рүсуну һаггында» ганунуна әсасән, Дашынмаз Әмлакын Дөвләт Рејестри Хидмәтиндән чыхарышын алынмасы 30 маната баша ҝәлир.
Диггәт: Хәбәрдән истифадә етдикдә мәнбәјә истинад лазымдыр
