Мәрһәмәтли вә рәһимли Аллаһын ады илә!
Јенә дә мүсәлман халгымызын гәлбини гыранлар тапылды. Бу саһәдә чох да узаға ҝедиб дүшмән ахтармаға еһтијаҹ јохдур. Сапы өзүмүздән олан балталарымыз тарих боју белә ишләрдә олуб вә инди дә вар. Динсиз вә етигадсыз инсан һеч вахт мүсәлман бир шәхсин етигадына тохунмағын руһи әзијјәтини дәрк етмәз. Неҹә ки, мәсәл вар дејәрләр “тохун аҹдан хәбәри олмаз”. Бәзиләри мүсәлман халгымызын мал-дөвләтиндән о гәдәр јејибләр ки, артыг халгын јүз илләр боју гәлбләринин ҝушәсиндә горујуб бизим нәслә гәдәр чатдырдыглары Ислам дининин пак атрибутларына вә ваҹиб бујурдуғу ганунлара өзләри әмәл етмәмәкдән әлавә, һәлә бу ганунлара еһтирамсызлыг да етмәјә ҹүрәт едирләр. Тарих белә инсанлары һәмишә гара сијаһысына алмыш вә мүсәлман ҹәмијјәтләр онлары ләнәтләмишләр. Она ҝөрә дә бәзән ән залым һаким вә дөвләтләр мүсәлманларын гәлбләрини әлә алмагдан өтрү заһирдә дә олса, Ислам ганунларына еһтирам гојублар. Белә инсанларын нә мүсәлман халг јанында вә нә дә Аллаһ дәрҝаһында зәррә гәдәр дә олса дә
