Әһли Бејт -АБНА- хәбәр аҝентлијинин вердији хәбәрә әсасән: Бу ҝүн Бакыны митинг һәјаҹаны бүрүјүб. Јүзләрлә халг күтләси пајтахтын мүхтәлиф јерләриндә әлијевләр режиминә гаршы етиразлар етмишдир. Јенәдә әлијевләр режимин полисләри динҹ халг күтләсинә гаршы амансыз олмушдур. Хејли сајда тутуланлар вардыр.
Иҹтимаи Палатанын 19 ијуна елан етдији етираз аксијасы заманы сахланыланларын иликн сијаһысы:
АХҸП
Ҝөзәл Бајрамлы (ИП Гадынлар Шурасынын сәдри, АХҸП сәдринин мүавини)
Асәф Гулијев (АХҸП сәдринин мүавини)
Асиф Јусифли (АХҸП сәдринин мүшавири)
Мәммәд Ибраһим (АХҸП Али Мәҹлисинин үзвү)
Ајдын Әлијев
Кәмалә Хәлилова
Афина Әлијева
Сејмур Һәзијев
Мәнсур Ҹәбрајылзадә
Елчин Дәмиров
Елчин Әһмәдов
Ширинбаҹы
Интигам Мөвланов
Һидајәт Сүлејманов
Мүсават
Тургут Гәмбәр
Кәнан Һаҹыәкбәроғлу,
Ваһид Аббасов,
Мәтин Нағыјев
Сәнан Һүсејнли
Ләтафәт Мәликова,
Дүнјаханым Ҹәруллајева,
Арифә Һүсејнли,
Севда Лачынлы
Рүхсарә Меһтијева,
Орхан Чарчыјев
Битәрәф
Јеҝанә Әмирасланова (ИП үзвү)
Сахланыланлардан бәзиләри сонрадан сәрбәст бурахылыб.
***
18.40: “Нефтчиләр” метростансијасы гаршысында да етираз аксијасы кечирилиб. Әразијә ҹәлб олунмуш полис гүввәләри дәрһал аксијачылары дағытмаға башлајыб. Аксијачылар “Азадлыг!”, “Азад сечки!” шүарлары сәсләндирир. Мәлумата ҝөрә, полис артыг 10 нәфәри сахлајыб. Сахланыланлар арасында АХҸП сәдринин мүавини Асәф Гулијев вә партија фәаллары Сејмур Һәзијев, Асиф Јусифли, Елчин Дәмиров, Һидајәт Сүлејманов вә Интигам Мөвланов да вар. Сахланыланлар Низами рајон 25-ҹи бөлмәсинә апарылыб.
***
18.20: Иншаатчылар метросу әтрафында аксијаја башлајыб. Аксија тәгрибән 5 дәгигә давам едиб. Ҝәнҹләр “Азадлыг!”шүары сәсләндириб. Мүхбиримизин мәлуматына ҝөрә, аксија заманы бир нәфәр сахланылыб.
Бир груп Иҹтимаи Палата тәрәфдары исә метронун “Иншаатчылар” стансијасы гаршысында аксијаја башлајыблар. Әсасән АХҸП Ҝәнҹләр Комитәсинин фәалларындан ибаәрт груп “Азадлыг”, “Азад сечки” вә “Истефа” шүарлары сәсләндирә-сәсләндирә кечмиш Гәләбә кинотеатры гаршысындакы мејдана тәрәф ҝедибләр. Онларын архасынҹа мүлки ҝејимли тәһлүкәсизлик гүввәләри дүшүб. Ҝәнҹләри сахламаг мүмкүн олмаса да, бир нәфәр - АХҸП ҜК үзвү Елчин Әһмәдов сахланараг Јасамал полисинә апарылыб.
***
18.00: Саат 18.00 радәләриндә Иҹтимаи Палатанын бир груп фәалы Кукла Театрынын гаршысындан аксијаја башлатјыб. Онлар “Азадлыг” вә “Истефа” чүарлары сәсләндирибләр Полис дәрһал мүдахилә едиб вә аксија иштиракчыларыны һәбс едиб. АХҸП сәдринин мүавин Ҝөзәл Бајрамлы вә партија фәаллары Ајдын Әлијев, Мәммәд Ибраһим, Мәнсур Ҹәбрајылзадә, Кәмалә Хәлилова, Афина Әлијева вә ИП үзвү Јеҝанә Әмирасланова һәбс олунублар.
***
17.50: "Нәриманов" метростансијасынын әтрафында фәаллыг ҝөстәрән 10-дан артыг ҝәнҹ полисин мүдахиләси илә үзләшиб. Полисләр онлары дағыдараг, јалныз бирини - Мүсават Партијасынын башганы Иса Гәмбәрин оғлу Тургут Гәмбәри сахлајыб вә өзләри илә апарыблар.
Иҹтимаи Палатанын даһа ики үзвү Севда Лачынлы вә Ағасы Шакироғлу сахланыб (дејерлер.орҝ).
***
16.30: "Јени Мүсават"ын әмәкдашы Елшад Мәммәдли хәбәр верир ки, "Нәриманов" метростансијасынын әтрафында аксијачылара гаршы тәдбирләр ҝөрүлмәкдәдир. Артыг 9 нәфәр (6 гадн, 3 киши) тутулуб. Онларын арасында Арифә Һүсејнова вә Ләтифә Мәликова. еләҹә дә Орхан Чарчыјев адлы ҝәнҹ вар. Е.Мәммәдли полисләрин онун фотоапаратыны сындырдығыны да дејиб.
***
16.00: "Нәриманов" метростансијасынын әтрафында бир груп гадын шүар сәсләндирмәјә башлајыб. Полисләр дәрһал һүҹум едәрәк онлара мане олублар. Бир нечә гадын сахланылараг автобуса миндирилиб. Хәбәри “Јени Мүсават”ын әразидә олан әмәкдашы вериб.
***
16.45: Метронун «Саһил» стансијасынын јахынлығы вә "Саһил" бағы да полис нәзарәтинә ҝөтүрүлүб. Полис Иҹтимаи Палатанын бу әтрафда аксија кечирә биләҹәјини ҝүман едир. Ејни мәнзәрә метронун "28 мај" стансијасы әразисиндә дә мүшаһидә олунур. Әмәкдашымыз хәбәр верир ки, АДНА гаршысында 2 автобус полис вар.
Бу арада исә бир нечә нәфәр ҝәнҹ мүсаватчынын метронун «Ҝәнҹлик» стансијасы јахынлығында 5 дәгигәлик аксија кечирдикләри билдирилир. Аксија иштиракчыларындан бири – мүсаватчы фәал Рамин Бахышов сахланыб. Мүсават башганынын мүавини Ҝүлаға Асланлы “Азадлыг” радиосуна билдириб ки, ҝәнҹләр 5 дәгигә ичиндә «Азадлыг», «Азад сечки», «Һәбсдә оланлара азадлыг» кими шүарлар јазылмыш плакатлары галдырыблар: «Бу, флашмоб типли аксија иди».
***
16.00: Иҹтимаи Палатанын митингинин башланмасына тәхминән саат галмыш полис митингин тәјин олундуғу Нәриманов мејданы әразисиндә һәрәкәтә кечиб. Полисләр вәтәндашлары «Нәриманов» кинотеатрынын гаршысындан вә паркдан узаглашдырырлар.
“Азадлыг” радиосунун әмәкдашы хәбәр верир ки, полсиләрин “тәмизләмә” әмәлијјаты заманы јашлы бир гадын зоракылыгла үзләшиб. Ејни заманда, паркдан ҝетмәк истәмәјән азјашлы бир ушағы да пост патрул машынына отурдуб апармаг истәјибләр. Амма аз сонра ону бурахыблар.
Әрази тамамилә полис нәзарәтинә ҝөтүрүлүб. Әразидә пост-патрул хидмәтинин автомобилләри вә ичәрисиндә полисләр олан автобуслар вар.
Митинггабағы һәбсләр
Иҹтимаи Палатанын 19 ијун аксијасы өнҹәси Сумгајытда бир нечә мүхалифәтчи полис бөлмәсинә апарылыб. Бу һагда “Азадлыг” радиосуна Мүсават башганынын мүавини Ҝүлаға Асланлы мәлумат вериб: «Дөрд мүсаватчы - Елчин Сәлимов, Рөвшән Мурадов, Иса Мәммәдли вә АХҸП-нин Сумгајыт шәһәр тәшкилатынын сәдри Маһир Гулубәјли артыг полис бөлмәсиндәдирләр».
Ҝүлаға Асланлынын сөзләринә ҝөрә, партијанын Сумгајыт шәһәр тәшкилатынын сәдри Фәхрәддин Аббас, башга фәаллар Әли Гарајев, Видади Фејзи дә полисә чағрылыб: «Дүнән Фәхрәддин Аббас полис бөлмәсинә ҝетсә дә, бөлмә рәиси орда олмајыб. Бу ҝүн саһә мүвәккили јенидән ону чағырыб. Артыг Фәхрәддин Аббасын јашадығы евин гаршысында пост гурулуб. Ағ рәнҝли машында ҝөзләјирләр».
***
АХҸП Сабирабад шөбәсиндән “Азадлыг” гәзетинә верилән мәлумата ҝөрә, шөбәнин сәдри Сәтдар Шаһларов вә фәалларындан Әфлан Ағајев ијунун 18-дә сәһәр саатларында полисә чағырылыблар. Онлара 19 ијун митингиндә иштирак етмәмәклә бағлы хәбәрдарлыг олунуб. Даһа сонра онлар сәрбәст бурахылыблар. Лакин ҝүнортадан сонра Сәтдар Шаһларовла Әфлан Ағајев јенидән полисә апарылыблар. Бу дәфә онлардан башга АХҸП Сабирабад шөбәсинин даһа бир фәалы Саһиб Рүстәмли дә полисә апарылыб вә онлар сахланылыб.
Иҹтимаи Палатанын катиби Ҝүлаға Асланлы “Азадлыг” радиосуна дејиб ки, ијунун 18-и сәһәр саатларында Мүсават Партијасынын Сабирабад вә Хачмаз рајон тәшкилатларынын сәдрләрини полисә чағырыб, хәбәрдарлыг едибләр: «Дејибләр ки, онсуз да Бакыја ҝедән јоллар бағланыб, һеч ким Бакыја бурахылмајаҹаг, тәк-тәк һамы јохланаҹаг. Она ҝөрә дә буна ҹәһд етмәјин».
Газахда да бир мүхалифәтчи груп полисә апарылыб. Бу барәдә “Азадлыг” радиосуна полисә апарыланлардан КХҸП үзвү Низами Һагвердијев мәлумат вериб: «Биз 12 нәфәр чајханада отурмушдуг. Ҝәлдиләр ки, нијә јығылыбсыныз. Онлар елә билдиләр ки, биз митингә ҝедирик. Она ҝөрә бизи полис шөбәсинә апардылар, мәни сөјдүләр, тәһгир етдиләр, 15 дәгигә бизи инҹитдиләр».
Н.Һагвердијев дејиб ки, онунла бир јердә олан 11 нәфәрин Азәрбајҹандан кәнарда ишләмәјә ҝетдији ајдынлашандан сонра сәрбәст бурахылыблар: «Инди дә мәни зорла Газах рајон ҝөмрүјүндән јола салырлар, Азәрбајҹандан кәнарлашдырырлар».
