Әһли Бејт -АБНА- хәбәр аҝентлијинин вердији хәбәрә әсасән: Ишғалчы Ермәнистан тәрәфиндән мсәлман Азәрбајҹан мәдәнијјәтинин мәнимсәнилмәси просеси давам едир. Онлар бу дәфә халг маһнымыз “Сүсән сүнбүл”ү ермәни маһнысы кими тәгдим едибләр. Ишғалчы Ермәнистанын иҹтимаи каналы васитәсилә јајымланан “Халг мүғәнниси” мусиги јарышмасында Нишам Манучарјан адлы иштиракчы “Сүсән сүнбүл” маһнысыны ермәни дилиндә ифа едиб. Халг маһнымызын мүәллифи исә ермәни ашығы Ашыг Шерам кими гејд олунуб. Јарышманын һәмин һәфтәси Ашыг Шерама һәср олунуб вә ифа олунан бүтүн маһнылар онун репертуарына аид олуб. “Сүсән сүнбүл” ермәни дилиндә “Алван Вартер” ады илә ифа олунуб. Бу ифадә дилимизә тәрҹүмәдә исә “әлван гызылҝүлләр” мәнасына ҝәлир.
“Сүсән сүнбүл” халг маһнысы халг артиси Хан Шушински тәрәфиндән ифа олунуб вә халг арасында мәшһурлашыб. Азәрбајҹанын халг артисти, мүстәсна истедадлы, ҝениш диапазонлу, ҝур вә мәлаһәтли сәси, јүксәк ифачылыг мәдәнијјәтинә малик Хан Шушински бу маһныны кечмиш ССРИ-нин бир чох өлкәләриндә ифа едиб. Хан Шушинскидән сонра да “Сүсән сүнбүл” бир чох ханәндәләримиз тәрәфиндән сәсләниб вә индијә гәдәр ифа олунур. Гејд едәк ки, “Сүсән сүнбүл” ермәниләр тәрәфиндән мәнимсәнилән илк мәдәни сәрвәтимиз дејил. Онлар индијә гәдәр бир чох халг вә бәстәкар маһныларымызы өз адларына чыхарараг ермәни маһнысы кими тәгдим едибләр.
АзТВ.аз
Диггәт: Хәбәрдән истифадә етдикдә мәнбәјә истинад лазымдыр
