Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан, Ермәнистан вә Русија хариҹи ишләр назирләринин ијунун 11-дә Москвада кечирилмиш ҝөрүшүндә бәзи мәгамларла бағлы мөвгеләрин јахынлашдырылмасы мүмкүн олуб.
неwс.ам сајтын вердији мәлумата ҝөрә, буну Ишғалчы Ермәнистанын хариҹи ишләр назири Едвард Налбандјан бәјан едиб. О, дејиб ки, «Москвадакы мүсбәт тенденсија Азәрбајҹан вә Ермәнистан президентләринин Казан ҝөрүшүндә дә давам едәрсә, ирәлиләјишә наил олуна биләр».
“Армениа Тодај” хәбәр верир ки, Налбандјан Дағлыг Гарабағ мүнагишәсинин һәлли просесиндә «биринҹи мәрһәләнин баша чатмасы үчүн» әсас принсипләрә јалныз Азәрбајҹан вә Ермәнистанын дејил, Дағлыг Гарабағ сепаратчыларынын да разылыг вермәли олдуғуну иддиа едиб: «Бу олмадан нөвбәти мәрһәләјә кечмәк мүмкүн дејил».
Ишғалчы Ермәни назир мүнагишә зонасына јерләшдириләҹәк сүлһмәрамлыларын тәркибилә бағлы разылашманын олмадығыны да сөјләјиб: «Кечән 3 илдә бу мәсәлә мүзакирә едилмәјиб».
Диггәт: Хәбәрдән истифадә етдикдә мәнбәјә истинад лазымдыр
