Әһли Бејт -АБНА- хәбәр аҝентлијинин вердији хәбәрә әсасән: Сон ҝүнләр Гафгаз Мүсәлманлары Идарәсинин рәһбәри Аллаһшүкүр Пашазадәјә гаршы тәзјигләр артыб. Һәтта иш о јерә чатыб ки, онун либасына гаршы Милли Мәҹлис сәвијјәсиндә атмаҹалар сәсләндирилир. Бәзиләри буну вахташыры Шејхә гаршы олан тәзјигләр далғасы кими гијмәтләндирсә дә, бунун ади тәнгид сәвијјәсиндән ашдығы гәнаәтиндә олдуғуну сөјләјәнләр дә вар.
ФактХебер.ҹом-а дахил олан мәлумата ҝөрә, һөкүмәт Азәрбајҹанда инанҹлы кәсимин ҝүнү-ҝүндән артмасыны вә бунун јахын 5-10 ил әрзиндә һакимијјәт үчүн ҹидди бир мүхалифәтә чевриләмәсиндән әндишәјә дүшүб. Аллаһшүкүр Пашазадә исә ҝетдикҹә нәинки Азәрбајҹанда, һәтта реҝионда өз имиҹини әлдән вермәкдәдир. Бундан әлавә о, ҹидди шәкилдә хәстәдир. Һакимијјәт исә диндар кәсимлә әлагә јаратмаг үчүн көрпү ахтарыр. Мәлуматлара ҝөрә, артыг һакимијјәт Аллаһшүкүр Пашазадәни әвәзләјә биләҹәк, һакимијјәтлә разылыға ҝедә билән вә ејни заманда диндар кәсим тәрәфиндән мүсбәт гәбул олунан шәхсин кимлијини мүәјјәнләшдириб. Гејри-рәсми мәнбәләрдән әлдә етдијимиз мәлуматлара ҝөрә, һакимијјәтдәки бәзи шәхсләр танынмыш илаһијјатчы Һаҹы Шаһин Һәсәнлинин үзәриндә дајаныблар. Ҝөрүнүр һакимијјәт сијаси ҹәһәтдән ән ағыллы үсул сечиб. Амма бу үсулдан доғрудан да лазымынҹа бәһрәләнә биләҹәкми?!
Диггәт: Хәбәрдән истифадә етдикдә мәнбәјә истинад лазымдыр
