Әһли Бејт -АБНА- хәбәр аҝентлијинин вердији хәбәрә әсасән: Теһранын бу һәфтә ки имам ҹүмәси Иран Ислам Республикасынын Конститусијаја Нәзарәт Шурасынын сәдри Ајәтуллаһ Әһмәд Ҹәннәти олуб.
Ајәтуллаһ Ҹәннәти Иран дүшмәнләринин һәр ан һөкүмәти девирмәјә ҹан атдығыны ачыглајараг дејиб: "Шәһид Беһишти, Мутәһһәри вә Рәҹаинин шәһадәтиндән сонра низам дүшмәнләри низама зәрбә вурмаг үчүн Имам Хомејнинин вәфатыны ҝөзләдиләр. Лакин баш верән мөҹүзә илә өлкәнин тәһлүкәсизлији зәдәләнмәди ".
Ајәтуллаһ Ҹәннәти бу ҝөзләнтиләрин алынмадығыны өнә чәкәрәк сөзләрини белә давам едиб: “Ислам Ингилабы Рәһбәринин јол ҝөстәрмәси тәгдирә лајигдир. Имам Хомејнинин вәфатындан сонра Ислам ингилабынын принсипләри даһа да ҝүҹләнмәсини мүшаһидә етдик”.
Имам Хомејнинин ән үстүн хүсусијјәтләрдән биринин империализм вә АБШ әлејһдары олдуғуну, Ислам Ингилабы Рәһбәринин исә һал-һазырда бу хәтти давам етдирдијини билдириб.
Ислам Республикасында олан әдаләтин Вәлијји Фәгиһә бағлы олдуғуну билдирән Ајәтуллаһ Ҹәннәти дејиб: "Ислам Ингилабы Рәһбәри, әдаләтә хүсусилә риајјәт етмәкдәдир. Буна ҝөрә дә 22 ил мүддәтиндә өлкәдә инкишафлар олмуш вә әдаләтә риајәт олунмушдур".
Теһранын Имам Ҹүмәси Фәләстин мәсәләсинә тохунараг Ајәтуллаһ Хаменеинин чыхышы заманы “Ислам Республикасы АБШ вә империализм әлејһдары олан бүтүн һәрәкатлара дәстәк верир” ҹүмләсини хатырладыб вә дејиб: "Биз һәр заман Фәләстин вә зүлмә гаршы гијам едәнләрә дәстәк верәҹәјик".
Ајәтуллаһ Ҹәннәти бүтүн деврилмиш диктаторларын Сәудијјәјә сығынмасыны хатырладыб. Һүснү Мүбарәкин дә Сәудијјәјә бир заман ҝетмәсини хатырладан Ҹәннәти дејиб: "Јәмән диктатору гачараг Сәудијјә Әрәбистанына сығынды. Әлбәттә ки, Сәудијјә Әрәбистанына артыг гачаг диктаторларын јығышдығы өлкә адландыра биләрик. Лакин халг етиразларынын даһа да ҝенишләнмәси илә Әрәбистан, Јәмән вә Тунис диктаторлары сонда АБШ-а гачаҹагларыны прогнозлашдырмаг олар. " .
Диггәт: Хәбәрдән истифадә етдикдә мәнбәјә истинад лазымдыр
