Әһли Бејт -АБНА- хәбәр аҝентлијинин вердији хәбәрә әсасән: Ливија лидери Мүәммәр Гәззафи АБШ администрасијасына мүраҹиәт едәрәк атәшкәсә вә мүхалифәтчиләрлә АБШ-ын патронажы алтында данышыглара һазыр олдуғуну билдириб.
Гәззафинин мүраҹиәти АБШ медиа органларында јајылыб. Мүраҹиәт Нүмајәндәләр палатасынын спикери Ҹон Бојнерә, һәмчинин Ағ Евә үнванланыб.
Гәззафи «АБШ-ын рәһбәрлији алтында өлкә дахилиндәки мүвафиг тәрәфләрлә данышыглара һазыр олдуғуну» билдириб. «Мән сизә - бөјүк демократијаја мүраҹиәт едирәм ки, халгымызын ҝәләҹәјини мүәјјән етмәкдә бизә көмәк едәсиниз», - дејә Гәззафи јазыр. Онун сөзләринә ҝөрә, Триполи нәинки атәшкәсә, һәмчинин разылашмаларын јеринә јетирилмәсинә нәзарәт едәҹәк мүшаһидәчиләри гәбул етмәјә дә һазырдыр.
Диггәт: Хәбәрдән истифадә етдикдә мәнбәјә истинад лазымдыр
