Әһли Бејт -АБНА- хәбәр аҝентлијинин вердији хәбәрә әсасән: Мәлумата ҝөрә, кечмиш Мисир диктатору Һүснү наМүбарәкин сәһһәти кәскин писләшиб. Јерли КИВ-ин мәлуматына ҝөрә, хәрчәнҝ шишишин ҝениш метастазы (хәстәлик төрәдиҹиләринин ган вә ја лимфалар васитәсилә бәдәнин башга јерләринә јајылмасы) нәтиҹәсиндә Һүснү Мүбарәкин бүтүн физики ҝөстәриҹиләри писләшиб. Һәкимләр кечмиш президентин һәјаты илә бағлы ҹидди тәһлүкәнин олдуғуну билдирирләр.
Тәхминән бир ил әввәл Һүснүна Мүбарәк Алманија клиникасында мүалиҹә олунуб. Рәсми мәлуматлара ҝөрә, орада онун өд кисәсиндән даш чыхарылыб. Лакин сонрадан мәтбуатда мәлуматлар јајылды ки, әслиндә, Һүснү Мүбарәк хәрчәнҝ хәстәсидир вә Алманијада онун бәдәниндән шиш ҝөтүрүлүб. Һәмин вахт әмәлијјат уғурла кечсә дә, Һүснү наМүбарәк бу ил јенидән мүајинә едилмәликди. Лакин Мисирдә баш верән һадисәләр вә Һүснү наМүбарәкин һакимијјәтдән деврилмәси мүалиҹәни јарымчыг гојуб. Һазырда кечмиш Мисир диктатору дәрманларын гәбулундан имтина едир.
Һүснү наМүбарәк үрәк тутмасы кечирдикдән сонра Шарм-еш-Шејх шәһәриндә хәстәханаја јерләшдирилиб. О вахтдан дәфәләрлә КИВ-дә кечмиш президент диктаторун бәдәниндә бәд хассәли шишин бөјүмәси барәдә мәлуматлар јајылыб. Бир мүддәт әввәл һәкимләрин косилиуму чағырылыб. Һәкимләр билдирибләр ки, сабиг диктатор Гаһирә һәбсханасына көчүрүлә билмәз.
Гејд едәк ки, 32 ил өнҹә Иранда Имам Хомејни исламы һәрәкатындан сонра өлкәдән хариҹә гачан Рыза Шаһ Пәһләви дә хәрчәнҝ хәстәлији илә мисирдә ҝәбәрди.
Диггәт: Хәбәрдән истифадә етдикдә мәнбәјә истинад лазымдыр
