Әһли Бејт -АБНА- хәбәр аҝентлијинин вердији хәбәрә әсасән: Гондарма Ҹинајәт иши јекунлашмаг үзрә олан исламчылар аилә үзвләри илә ҝөрүшүбләр. Вәкил Анар Гасымовун вердији мәлумата ҝөрә, ијунун 2-дән башлајараг исламчыларын аилә үзвләри илә ҝөрүшә иҹазә верилиб.
Ијунун 10-да Азәрбајҹан Ислам Партијасынын лидери Доктор Мөвсүм Сәмәдовун гајыны Фирдовси Мәммәдрзајев аилә үзвләри илә ҝөрүшүб. Мәлуматы Фирдовси Мәммәдрзајевин һәјат јолдашы Мәтанәт Мәммәдрзајева вериб: “Шүшә архасындан ҝөрүшдүк. Гардашы илә мән олдуг ҝөрүшдә. Анасына, оғланларына иҹазә вермәдиләр. Аиләси ахы тәк мәндән вә гардашындан ибарәт дејил ахы”.
Мәтанәт Мәммәдрзајева ҝөрүшдән сонра хејли раһатлашдығыны дејиб: “Онлары да раһат ҝөрдүк. Ибадәтләри илә мәшғулдурлар вә бу олајлары өзләри үчүн, еләҹә дә бүтүн диндарлар үчүн имтаһан һесаб едирләр. Оғулларына, бизә мәсләһәт ҝөрдү ки, ибадәтләримиздән галмајаг, дуаларымызы әскик етмәјәк”.
Азәрбајҹан Ислам Партијасы Астара рајон тәшкилатынын сәдри Руфулла Ахундзадәјә исә ијунун 3-дә оғлу Мәһәммәдәли Ахундзадә баш чәкиб: “Ијунун 2-дә Бакы Истинтаг Тәҹридханасына ата үчүн әрзаг апармышдым. Һәмин ҝүн Масаллыдан олан ахунд Фәрамиз Аббасовун оғлуну ҝөрдүм вә деди ки, бу ҝүн онлара ҝөрүш верибләр. Сонра өјрәндим ки, ијунун 3-дә мән дә атамла ҝөрүшә биләрәм.
Ҝөрүшдүк, онун сәһһәти илә бағлы һеч бир шикајәти јохдур. Садәҹә, истинтагын ҝедишатындан наразыдыр. Чүнки 5 ајлыг истинтаг дөврү заманы ондан садәҹә 2 дәфә ифадә алыныб. Сонда исә бәлли олду ки, онун һәбсинин әсас сәбәби “Сәһәр” каналындакы чыхышы илә бағлыдыр. Атам исә бүтүн иттиһамлары әсассыз һесаб едир. Онун сөзләринә ҝөрә, сонунҹу дәфә изаһат верәндә мүстәнтиг онун дедикләрини дејил, өз истәдијини изаһата гејд етди. Амма дејә билмәрәм ки, атам һәмин изаһата имза атыб, ја јох. Буну ондан сорушмадым”.
АИП лидери Доктор Мөвсүм Сәмәдов да буҝүнләрдә аилә үзвләри илә - атасы, һәјат јолдашы вә ушаглары илә ҝөрүшүб.
Гејд едәк ки, сон илләрдә әлијевләр режими халг арасында сүни гаршыдурмалар јаратмагла Азәрбајҹанын 98% мүсәлман халгынын сијаси азадлығыны әлиндән алмагдан савајы онун дин вә виҹдан азадлығына да мәһдудијјәтләр гојмушдур. Беләликләдә мөвҹуд режим хариҹиндән, сионист режими тәрәфиндән ҝәлмиш ҝөстәришләри ҹанла башла һәјата кечиртмишдир. Лакин бүтүн фиронларын вә нәмрудларын јаддан чыхартдыглары ән әсас нөгтәнидә әлијевләр режими јаддан чыхартмышдыр. О да халгла дејил Аллаһла мүбаризә апармагларыдыр! Гуран бујурур: “Онлар Аллһын нуруну ағызлары илә үфүрмәклә сөндүрмәк истәјирләр. Лакин кафирләрин хошу ҝәлмәсәдә белә мүтләг Аллаһ өз нуруну тамамлајаҹаг”. (төвбә сүрәси ајә-32)
Диггәт: Хәбәрдән истифадә етдикдә мәнбәјә истинад лазымдыр
