Әһли Бејт -АБНА- хәбәр аҝентлијинин вердији хәбәрә әсасән: Чечен гызына тәҹавүз етдији үчүн 9 ил һәбс чәкдикдән сонра сәрбәст бурахылан кечмиш полковник Јури Буданов Москвада силаһлы һүҹум нәтиҹәсиндә өлдүрүлүб.
Русија медиасынын вердији мәлумата ҝөрә, Јури Буданов Москванын мәркәзиндә јерли вахтла саат 12.30 радәләриндә намәлум шәхс тәрәфиндән башына силаһла атәш едиләрәк өлдүрүлүб. Шаһидләр гатилин һадисә јериндән автомобилә минәрәк узаглашдығы сөјләјибләр.
Һадисә илә әлагәдар истинтаг башлајыб.
Гејд едәк ки, полковник Буданов 1999-2000-ҹи илләр арасында Чеченистанда хидмәт етдији вахт гачырдығы 18 јашлы чечен гыза тәҹавүз етдији үчүн һәбс олунмушду. 2000-ҹи илдә һәбс олунан Буданов 2003-ҹү илдә Һәрби Мәһкәмә тәрәфиндән ҝүнаһкар һесаб едиләрәк, барәсиндә 10 иллик һәбс гәрары чыхарылмышды. 2004-ҹү илдә исә Буданов һәбсдә олдуғу бөлҝәнин губернаторуна мәктуб јазараг әфв истәмишди. Иҹтимаијјәт тәрәфиндән кәскин етираза сәбәб олан Будановун бу истәјинә гаршы Чеченистан Республикасында да митингләр тәшкил едилмишди. Чеченистан президенти Рамзан Кадыров, "Әҝәр Будановун әфви гәбул едилсә, биз лајиг олдуғу ҹәзаны она вермә јолуну тапарыг" шәклиндә данышмышды. Будановун әфв хаһиши рәдд едилди вә 15 јанвар 2009-ҹу илә гәдәр һәбсдә галды.
Диггәт: Хәбәрдән истифадә етдикдә мәнбәјә истинад лазымдыр
