Әһли Бејт -АБНА- хәбәр аҝентлијинин вердији хәбәрә әсасән: Бу ҝүн сәһәр Имам Һүсејн (ә) адына Забитләр вә Ислам Ингилабы Кешикчиләри (Сепаһ) Академијасынын мәзунларынын бирҝә бурахылыш мәрасиминдә иштирак едән Ислам Ингилабынын Али Мәгамлы Рәһбәри Һәзрәт Ајәтуллаһ Хаменеи чыхышында демишдир: “Америка” адлы бөјүк шејтанын сијасәтләринин сон дәрәҹә һәссас Орта Шәрг реҝионунда мәғлубијјәтә уғрамасы, тәлатүмә ҝәлмиш реҝион халглары арасында Ислам шүарларынын үмидвериҹи дирчәлиши Иран халгына верилмиш илаһи вәдләрдән бир һиссәсинин һәјата кечмәси демәкдир. Бу јолда дөзүмлүлүк вә сабитгәдәмлик илаһи зәфәрин там олараг ҝерчәкләшмәси илә сонуҹланаҹаг”.
Силаһлы Гүввәләрин Али Баш Команданы Ислам Ингилабы Кешикчиләри Корпусунун сон 32 ил әрзиндә мүхтәлиф мејданларда парладығына тохунараг гејд етди: “Бу мөһкәм бүнөврәни ингилабын илк илләринә аид олан ағыр олајларда иштирак етмиш мөмин, мүҹаһид, ингилаб әһвал-руһијјәси илә долуб-дашан инсанлар гојуб”.
Али Мәгамлы Рәһбәр әлавә етди: “Халгын ичәрисиндән формалашмыш бу гурум мәрһум Имам Хомејнинин (р.ә) ҝөстәрдији јол илә ҝедәрәк һәм 8 иллик Мүгәддәс Мүдафиәдә – тәҹавүзкар дүшмәнә гаршы дөјүш мејданында јүксәк сәвијјәдә парлады, һәм дә Ислам Ингилабынын амаллары уғрунда ҹиһадда – өлкә дахилиндә баш верән сон дәрәҹә анлашылмаз вә долашыг олајлар мејданында имтаһандан јахшы чыхды”.
Һәзрәт Ајәтуллаһ Имам Хаменеи әлавә етди: “30 ил әввәлки илә мүгајисәдә бу ҝүн Ислам Ингилабы даһа јүксәк статуса маликдир. Бу статуса ујғун олараг, һазырда Кешикчи Корпусда (Сепаһда) хидмәт едән ҝәнҹләр дә корпусун биринҹи нәслиндән даһа габагҹыл, даһа мүҹаһид, даһа узагҝөрән, даһа савадлы вә даһа диндар олмалы, тәмсил етдикләри гурумун мөһтәшәм миссијасыны давам етдирмәк үчүн һазырлашмалыдырлар”.
Диггәт: Хәбәрдән истифадә етдикдә мәнбәјә истинад лазымдыр
