Әһли Бејт -АБНА- хәбәр аҝентлијинин вердији хәбәрә әсасән: Бу ҝүн саат 15 радәләриндә Мүсават Партијасынын гәрарҝаһында Иҹтимаи Палатанын нөвбәти сессијасы өз ишинә башлајыб. Топланты башланмаздан өнҹә гәрарҝаһын електрик енержиси кәсилсә дә, сон анда бинаја ишыг верилиб. Иҹтимаи Палатанын нөвбәти сессијасынын бундан әввәлкиләрлә мүгајисәдә даһа гәләбәлик олуб.
Јазычы-публисист Меһрибан Вәзирин сәдрлији илә кечирилән сессијада Иҹтимаи Палатаја 16 јени үзв гәбул олунуб, 28 Мај - Республика Ҝүнү илә бағлы халга тәбрик мәктубу үнванланыб. Даһа сонра өлкәдәки иҹтима-сијаси дурума даир чыхышлар башланыб.
Бундан әлавә Иҹтимаи Палатанын бу ҝүн кечирилән сессијасында митинг кечирилмәси барәдә гәрар гәбул олунуб. Иҹтимаи Палатанын сессијасындан верилән хәбәрә ҝөрә, гурум ијун ајынын 19-на "Нәриманов" кинотеатрынын гаршысына митинг тәјин едиб. Аксијанын кечирилмәси илә бағлы Бакы Шәһәр Иҹра Һакимијјәтинә мүраҹиәт олунаҹаг.
Диггәт: Хәбәрдән истифадә етдикдә мәнбәјә истинад лазымдыр
