Әһли Бејт -АБНА- хәбәр аҝентлијинин вердији хәбәрә әсасән: Мајын 25-дә Експердләр Мәҹлиси рәјасәт һејәтинин иҹласында чыхыш едән гурумун рәһбәри Ајәтуллаһ Мәһәммәдрза Мәһдәви Кәни дини рәһбәри Ајәтуллаһ Имам Сејјид Әли Хамнејинин Иран Ислам Республикасынын гуруҹусу Ајәтуллаһ Имам Сејјид Мусәви Хомејнинин өлүмүндән – 1989-ҹу илдән өлкәни уғурла идарә етдијини вурғулајыб.
Ајәтуллаһ Мәһдәви Кәни дејиб ки, Имам Хамнеји өлкәни лајигинҹә идарә едир: “Бу Аллаһын истәји иди ки, о, рәһбәрлијә ҝәлсин. Бүтүн бу 22 илдә өлкәдә ағыр һадисәләр баш версә дә, дини рәһбәр бу сынаглардан чыхараг өлкәни идарә едиб. Аллаһ ону тәсдигләјиб. Арзу едирик ки, узун илләр јашасын. Һәтта дүшмәнләр дә онун баҹарығыны етираф едир, һеч кәсин ону әвәз едә биләҹәјинә инанмыр”.
Диггәт: Хәбәрдән истифадә етдикдә мәнбәјә истинад лазымдыр
