Әһли Бејт -АБНА- хәбәр аҝентлијинин вердији хәбәрә әсасән: Ишғалчы Ермәнистан силаһлы гүввәләринин бөлмәләри Азәрбајҹан Ордусунун мөвгеләрини бир нечә истигамәтдә атәшә тутублар.
Бу барәдә мәлумат Мүдафиә Назирлијинин мәтбуат хидмәтиндән верилиб. Мәлуматда дејилир ки, Ишғалчы Ермәнистан силаһлы гүввәләринин бөлмәләри мајын 25-дә саат 10.10-дан 10.25-дәк Ҹәбрајыл рајонунун Меһдили кәнди јахынлығында јерләшән мөвгеләрдән, саат 12.25-дән 13.20-дәк Ҝәдәбәј рајонунун әразисиндәки адсыз јүксәкликләрдә јерләшән мөвгеләрдән, саат 15.10-дан 15.15-дәк, 22.20-дән 22.40-дәк, 22.40-дан 23.00-дәк вә 22.40-дан 22.45-дәк Фүзули рајонунун әразисиндәки адсыз јүксәкликләрдә, Горган вә Ашағы Әбдүррәһманлы кәндләри јахынлығында јерләшән мөвгеләрдән Азәрбајҹан Ордусунун үзбәүз мөвгеләрини автомат вә пулемјотлардан атәшә тутуб.
Дүшмән ҹаваб атәши илә сусдурулуб, итки јохдур.
Диггәт: Хәбәрдән истифадә етдикдә мәнбәјә истинад лазымдыр
