Әһли Бејт -АБНА- хәбәр аҝентлијинин вердији хәбәрә әсасән: Пајтахт полиси евләри ишыгсыз гојан мәктәблиләри һәбс едиб. Бинәгәди рајон Полис Идарәсиндән верилән мәлумата ҝөрә, тутуланлар 15 јашлы Нурәддин Оруҹов вә онун һәмјашыды олан Бәхтијар Нәримановдур.
Онларын һәдәфинә ҝәлән евләр исә јени тикилән, анҹаг һәләлик јашајыш олмајан тикилиләр олуб. Дәстә үзвләри һәмин евләрә дахил олараг електрик системини дағыдыб вә кабелләри оғурлајыблар. Сахланылан мәктәблиләрин әмәлиндән Абшерон рајонунда 20, Бинәгәди рајонунда исә 10 ев зијан чәкиб.
Һәр ики шәхс диндирмә заманы төрәтдикәри әмәли етираф едиб. "Оғурладығымыз мис мәфтилләри Түркијә вәтәндашына сатырдыг. О, исә бизим азјашлы олмағымыздан истифадә едиб, малы дәјәр-дәјмәзинә алырды" - дејә сахланылан шәхсләр ифадәләриндә ҝөстәрибләр.
Фактла бағл ҹинајәт иши башланыб, истинтаг апарылыр.
Диггәт: Хәбәрдән истифадә етдикдә мәнбәјә истинад лазымдыр
