Әһли Бејт -АБНА- хәбәр аҝентлијинин вердији хәбәрә әсасән: Ишғалчы Исраил Мәдәнијјәт Мәркәзиннин кечмиш рәһбәри дејир ки, “Еуровисион-2011”ин галиби сәһнәдә илк аддымларыны онларын јанында атыб
“Еуровисион-2011” маһны мүсабигәсинин галиби олан Елдар Гасымов өзүнүн сәһнәдә илк аддымларыны Исраил Мәдәнијјәт Мәркәзиндә атыб. Бу барәдә Бакыдакы Јәһиди Мәдәнијјәт Мәркәзинин рәһбәри билдириб.
Исраил Мәдәнијјәт Мәркәзинә 2004-2009-ҹу илләрдә рәһбәрлик етмиш Римма Баркан изрус.ҹо сајтына ачыгламасында дејиб ки, Елдар Гасымов 2007-ҹи илдә Јәһуди Мәдәнијјәт Мәркәзинә ҝәлиб.
“О заман истедадлы ушагларын үзә чыхарылмасы илә бағлы лајиһә һәјата кечирирдик. Үзә чыхардығымыз истеададлы ушаглар о заман бизимлә әмәкдашлыг едән халг артисти Мүбариз Тағыјевын јанында вокал дәрсләри алыр вә өлкәнин мүхтәлиф рајонларында чыхыш едирдиләр”-дејә Римма Баркан дејиб.
Јәһуди бајрамы олан Пурим бајрамында Мәдәнијјәт Мәркәзинин кечирдији тәдбирләрдә јәһуди флоклор рәгсләри нүмајиш олунур вә јәһудиләрин маһнылары сәсләнирди.
“Елдар һәм иврит дилиндә, һәм дә Азәрбајҹан дилиндә охујурду. 2007-ҹи илдә исә Мәдәнијјәт Мәркәзинин јени бинасынын ачылышында Исарилин стратежи планлашдырма назири Авигдор Либерманла бирҝә Исраилин дөвләт һимнини охумушду”-дејә Барман хатырлајыб.
Кечмиш рәһбәрин сөзләринә ҝөрә, Мәдәнијјәт Мәркәзинә ҝәләнә гәдәр мусиги мәктәбинин фортепиано синфиндә охујан Елдар Гасымовун сәһнә тәҹрүбәси олмајыб.
“Мән чох севиндим ки, о неҹә дә бөјүјүб вә өлкәсини лајигинҹә тәмсил етди. Чох аз мүддәт кечиб, амма о, чох ирәлиләјиб. Елдар әмин ола биләр ки, Исраилдә ону севирләр вә хатырлајырлар”-дејә Римма Баркан дејиб.
Диггәт: Хәбәрдән истифадә етдикдә мәнбәјә истинад лазымдыр
