Әһли Бејт -АБНА- хәбәр аҝентлијинин вердији хәбәрә әсасән:АБШ-ын Азәрбајҹандакы сәфири Метју Брајза “Американын сәси” радиосуна мүсаһибә вериб. “Туран”ын мәлуматына ҝөрә, мүсаһибәдә демократија вә Дағлыг Гарабағ мүнагишәси мәсәләләринә дә тохунулуб.
- Дөвләт Департаментинин һесабатларында Азәрбајҹанда инсан һүгуглары, мәтбуат, топлашмаг азадлыгларынын позулмасындан вә коррупсија һалларындан данышылыр. Азәрбајҹан һөкумәти илә бу саһәдә мүзакирәләр апарылырмы?
- Бу мәсәләләри Азәрбајҹанын јүксәк вә орта сәвијјәли рәсмиләри илә, ејни заманда парламентдә мүзакирә етмишик. Мән вахтымын чох һиссәсини Азәрбајҹан һөкумәтиндән олан тәрәфдашларымла демократија вә инсан һүгуглары мәсәләсинин мүзакирәсинә һәср едирәм. Биз фәалијјәтимизи тәрәфдашлыг руһунда гурмагла истәјирик ки, Азәрбајҹан сијаси авторитаризмлә ислам екстремизми арасында алтернатив бир јолла ҝетсин. Бу ислаһатлар гысамүддәтли бахышда рискли ҝөрүнсә дә, узунмүддәтли перспективдә сабитлијин бәргәрар олунмасына көмәк ҝөстәрир.
Диггәт: Хәбәрдән истифадә етдикдә мәнбәјә истинад лазымдыр
