Әһли Бејт -АБНА- хәбәр аҝентлијинин вердији хәбәрә әсасән: Һөҹҹәтул Ислам Фәхри Илјасов Ҹинајәт Мәҹәлләсинин 221.3-ҹү маддәси илә (силаһдан вә ја силаһ гисминдә истифадә едилән әшјалары тәтбиг етмәклә хулиганлыг) шәрләнир. О вә диҝәр руһани Һөҹҹәтул Ислам Азәр Ҹәбијев јанвар ајында Ҝүрҹүстана ҝедәркән, сәрһәд постунда һәбс едилибләр. Артыг Ҝәнҹәнин Низами Рајон Мәһкәмәси Һөҹҹәтул Ислам Азәр Ҹәбијевин 4 ил мүддәтинә азадлыгдан мәһрум едилмәсинә даир һөкм чыхарыб.
Вәкил Елчин Намазов өз ачыгламасында билдириб ки, Һөҹҹәтул Ислам Азәр Ҹәбијевин мәһкәмә просесиндән һазырланан протоколларла таныш олмаг истәјир: “Һәмин протоколлар һазыр олмадығына ҝөрә мајын 16-да һаким Ҝүндүз Шириновдан просесинин тәхирә салынмасыны хаһиш етдим. Индијә гәдәр ҹәми бир просес кечирилиб, о да мәһкәмә һазырлығы. Мајын 20-дә мәһкәмә истинтагы башлајаҹаг”.
Диггәт: Хәбәрдән истифадә етдикдә мәнбәјә истинад лазымдыр
