Әһли Бејт -АБНА- хәбәр аҝентлијинин вердији хәбәрә әсасән: Ҝәнҹә шәһәриндә гәтл төрәдилиб. Дахили Ишләр Назирлијинин мәтбуат хидмәтиндән верилән мәлумата ҝөрә, һадисә бу ҝүн саат 14.00 радәләриндә Ҝәнҹә шәһәринин Автозавод адландырылан әразисиндә гејдә алыныб.
Кәпәз Рајон Полис Шөбәсинин саһә мүвәккили, полис капитаны Ингилаб Садыгов мүнагишә зәмининдә онунла бирҝә хидмәтдә олан гоһуму, полис сержанты Меһди Һәсәнову гәтлә јетириб. Фактла бағлы Ҝәнҹә шәһәр прокурорлуғу тәрәфиндән ҹинајәт иши галдырылыб, истинтаг апарылыр.
Ҝәнҹә Шәһәр Полис Идарәсинин рәиси Расим Мусајев полис капитанынын төрәтдији гәтл һадисәсинә мүнасибәт билдириб. Р. Мусајев АПА-ја һадисәнин тәфәррүатларыны ачыглајыб. Онун билдирдијинә ҝөрә, һадисә полис сержанты Меһди Һәсәнова мәхсус “Митсубисһи” маркалы машында гејдә алыныб: “Онлар кирвәдир. Бир јердә наһар етмәјә ҝедибләр. Ҝери гајыданда араларында мүбаһисә дүшүб. Нәтиҹәдә полис капитаны Ингилаб Садыгов Меһди Һәсәнова бычагла хәсарәт јетириб. Ингилаб һадисәни төрәтдикдән сонра полисә мәлумат версә дә, артыг ҝеҹ олуб. Меһди Һәсәнов чохлу ган итирдијиндән дүнјасыны дәјишиб”. Р. Мусајев һадисәни төрәдән И. Садыговун артыг һәбс едилдијини гејд едиб: “Ингилаб артыг истинтага тәһвил верилиб. О, тәрәфимиздән диндириләркән гејд едиб ки, әсәбиләшиб вә Меһдини вуруб. О, чох пешман олдуғуну да билдирди”.
Гејд едәк ки, Кәпәз Рајон Полис Шөбәсинин саһә мүвәккили, полис капитаны Ингилаб Садыгов мүнагишә зәмининдә онунла бирҝә хидмәтдә олан гоһуму, полис сержанты Меһди Һәсәнову гәтлә јетириб.
Фактла бағлы Ҝәнҹә шәһәр прокурорлуғу тәрәфиндән ҹинајәт иши галдырылыб, истинтаг апарылыр.
Диггәт: Хәбәрдән истифадә етдикдә мәнбәјә истинад лазымдыр
