Әһли Бејт -АБНА- хәбәр аҝентлијинин вердији хәбәрә әсасән: Дүнән Һолландијанын Роттердам шәһәринин јахынлығындакы Звијндрехт шәһәрҹијиндә үч азәрбајҹанлы гәтлә јетирилиб "Де Телеҝрааф" бу һагда белә јазды.
Фаҹиәнин аилә драмы вә ја сифаришли гәтл олдуғу һәлә бәлли дејил.
Шәһәр полисинин мәтбуат катибинин вердији мәлумата ҝөрә, мәшум ҹинајәт арашдырылыр. "Бүтүн версијалары арашдырырыг, һеч бир еһтималы ҝөзарды етмирик", - полис забити дејиб.
Онун сөзләринә ҝөрә, азәрбајҹанлы аиләнин мәнзилинә дахил олан гатил вә ја гатилләр гаршыларына чыхан һәр кәсә атәш ачыб. Ҝүлләбаранда евин ханымы вә ики гызы һәлак олуб.
Евин кишиси, 63 јашлы шәхс исә јараланыб. О, Звијндрехт шәһәрҹијинин хәстәханасына апарылыб. Һәкимләрин дедијинә ҝөрә, онун вәзијјәти стабилдир.
Шәһәрин Лангерар күчәсиндә јерләшән бинада ҹинајәтин сәһәр 11.30 радәләриндә төрәдилдији ҝүман олунур.
Бундан башга, һәмин күчәдә јашајан түрк мүһаҹир дә диндирилир. Јаралы азәрбајҹанлы кишинин ган ичиндә онун јанына ҝедәрәк полис чағырдығы дејилир.
Диггәт: Хәбәрдән истифадә етдикдә мәнбәјә истинад лазымдыр
