Әһли Бејт -АБНА- хәбәр аҝентлијинин вердији хәбәрә әсасән: Әрдәбилин Имам ҹүмәси Ајәтуллаһ Сејид Һәсән Амилинин Гарабағ мәсәләсиндә Иран Ислам Республикасынын Азәрбајҹан Республикасына инсани вә һәрби јардымларына даир бәзи һәгигәтләри фаш етмәсини мүсбәт гаршылајан Азәрбајҹан Республикасы Ислам Партијасынын сабиг сәдри Һаҹыаға Нуринин фикринҹә артыг бунунла бағлы АНС каналынын архивиндә ҝизли сахланылан кадрларын ачылмасынын вахты чатыб.
Бејнәлхалг Сәһәр каналынын суалларыны ҹавабландыран Һаҹыаға Нури вурғулајыб: "Ајәтуллаһ Сејид Һәсән Амили тарихин бәзи бағлы сәһифәләрини ачыбдыр .Мән Гарабағ мәсәләсиндә баш верән һадисәләрлә јахындан таныш олан вә һадисәләрин иштиракчысы олан бир шәхс кими дејә биләрәм ки, һәлә ола биләр ки Иранын Азәрбајҹан Республикасында еләдији јардымларын бөјүк бир гисминдә ачылмајыб. Мән о заман мејданларда олан бир шәхс кими мәрһум Рөвшән Ҹавадов кими амончулар Иранын о заман Азәрбајҹан Республикасына һансы хидмәтләри ҝөстәрдијини јахшы билирләр. АНС каналынын архивиндә о заманын кадрлары вар ки, јахшы ҝөстәрир иранлылар, Әрдәбил вә Тәбризин ҝәнҹләри Гарабағ савашында неҹә дөјүшүбләр. О заман истәр азәрбајҹанлылары апарыб Иранда тәлим вермәк, истәрсә дә Азәрбајҹанда тәлим мәркәзләринин гурулмасында, гачгынлар үчүн һуманитар јардымларда вә гачгын дүшәрҝәләриндә онлара пәнаһ вермәкдә, сәрһәди ачыб бөјүк гачгын күтләсини фәлакәтдән гуртармагда иранлы гардашларымызын унудулмаз көмәкләри олуб".
Һаҹы Аға Нури әлавә едиб: "Ола биләрди ки Сејид Һәсән Амили бунунла әлагәдар бағлы сәһифәләри ачмајајды. Амма Азәрбајҹан Республикасында бәзи Гәрбә вә сионистләрә асылы олан гүввәләр Ираны Азәрбајҹан Республикасынын дејил, Ермәнистанын тәрәфиндә гәләмә верирләр. Сејид Һәсән Амили исә буну нәзәрә алыб вә Иранын Азәрбајҹан Республикасында ҝөстәрдији көмәкликләринин бәзи бағлы сәһифәләрини ачмағы мәгбул сајыб. Һәлә дә чох һиссәләри дејилмәјиб".
"Нә үчүн Азәрбајҹан Республикасы телевизијалары белә әһәмијјәтли мәсәләјә лагејд јанашырлар? "суалына Ислам Партијасынын сабиг сәдри ҹаваб вериб: "истәр електрон күтләви информасија васитәләри, мәтбуат вә истәрсә дә телевизијаларын бөјүк әксәријјәти мүстәгил дејил вә Гәрбә, сионизмә вә Русијаја бағлыдылар. Бунлар Азәрбајҹанын Ирана јахынлашмасыны истәмирләр, һәмишә она мане олублар вә мане олмагда чалышаҹаглар. Мүстәгил олсајдылар, Иран-Азәрбајҹан арасында ортада олан мүсбәт фактлара ајдынлыг ҝәтирдиләр".
Диггәт: Хәбәрдән истифадә етдикдә мәнбәјә истинад лазымдыр
