Әһли Бејт АБНА хәбәр аҝентлијинин вердији хәбәрә әсасән: 2009-ҹу илдә Севил Әлијева сијаси фәалијјәтә гајыдаҹағы илә бағлы суаллара бирмәналы ҹаваб вермишди. “Интерфакс” аҝентлијинә мүсаһибә верән Севил ханым билдирмишди ки, о, сијаси фәалијјәтлә мәшғул олмаг нијјәтиндә дејил.
Бундан бир нечә ил әввәл исә, даһа доғрусу, 2003-ҹү илдән о, үмумијјәтлә иҹтимаи фәалијјәтдән ҝетмишди. Атасы, сабиг президент Һејдәр Әлијевин вәфатындан сонра Азәрбајҹана ашкар һисс олунан күскүн мүнасибәт ҝөстәрән Севил Әлијева 2005-ҹи илдә сабиг сәһијјә назири Әли Ынсановун һәбси әрәфәсиндә рәсми гәзетләрә мүсаһибә верәрәк Әли Ынсановун Әлијевләр аиләси гаршысында хүсуси хидмәтләри олдуғуну вурғуламышды. Бу ики факты нәзәрә алсаг, Севил Әлијева Азәрбајҹанын иҹтимаи-сијаси мүһитиндә ҝөрүнмәмәјә гәрарлы иди. Һәтта 2003-ҹү иләдәк онун рәһбәрлији илә интенсив фәалијјәт ҝөстәрән “Севил” Гадынлар Ҹәмијјәти дә фәалијјәтини бирмәналы олараг дурдурмушду.
Доғрудур, бир мүддәт әввәл “Азадлыг”а белә бир мәлумат дахил олмушду ки, Севил Әлијева бу јахынларда Азәрбајҹана ҝәлмәк нијјәтиндәдир. Амма бу хәбәри онун өзү илә дәгигләшдирә билмәмишдик. Буҝүнләрдә баш верән бир олај һәмин хәбәрин доғру олдуғу гәнаәтини јарадыр. Белә ки, узун илләр әрзиндә һеч бир фәалијјәт ҝөстәрмәјән вә иҹтимаи рәјдә тамамилә унудулмуш “Севил” Гадынлар Ҹәмијјәти мајын 10-да бир тәдбир кечириб. Бу ҹәмијјәтин Ширван шәһәри үзрә шөбәсинин рәһбәрлији Дахили Гошунларын Һаҹыгабулдакы “Н” сајлы һәрби һиссәсинә ҝедәрәк, орада Милли Гәһрәман Мүбариз Ыбраһимовун хатирәсинә һәср едилмиш “Шәрәф вә Гәһрәманлыг Ҝеҹәси” адлы лајиһәни әсҝәр вә забитләрә тәгдим едиб. Ҹәмијјәтин сәдри Әзизә Мәммәдова һәрби һиссәнин шәхси һејәти гаршысында чыхыш едиб.
Етираф едәк ки, бу, сон 8 илдә һеч бир иҹтимаи фәалијјәти һисс олунмајан ҹәмијјәтин бирдән-бирә фәаллашмаг истәјилә изаһ едилә биләр. “Азадлыг”да олан хәбәрдә билдирилир ки, Һејдәр Әлијевин илдөнүмү әрәфәсиндә олса белә, бу тәдбирин Һаҹыгабулда баш тутмасы да мүәјјән версијалар үчүн јер гојур.
“Ҝөрүнүр, Ҹәмијјәтин фәалијјәтини фәаллашдырмаг истәјәнләр онун неҹә гаршыланаҹағыны прогнозлашдыра билмәјибләр. Әҝәр Һаҹыгабулда кечирилән тәдбир һаким аилә тәрәфиндән сакит гаршыланса, бу гәбилдән олан нөвбәти тәдбирләр кечирилә биләр”, - дејә мәнбә билдирир.
Диггәт: Хәбәрдән истифадә етдикдә мәнбәјә истинад лазымдыр
