Әһли Бејт АБНА хәбәр аҝентлијинин вердији хәбәрә әсасән: Јазы мүсабигәсинин мәгсәдләриндән данышан “Ҝәнҹ Арашдырмачылар Клубу”нун експерти Ејнал Гардашов билдириб ки, Азәрбајҹан ҝәнҹлијини башгасынын дүшүнҹәсинә, дөзүмсүзлүк вә ону бәјәнмәмә вирусундан горумаг истәјирләр: “Бу саһәдә јеҝанә чыхыш јолу маарифләндирмәдир. Мүасир дүнјамызда - елмә, тәфәккүрә, интеллектуал мәһсула гијмәт верилдији бир вахтда бәзи инсанларда башгасынын дүшүнҹәсинә дөзүмсүзлүк вә ону бәјәнмәмә вар. “Мәним кими дүшүнмәјәнләр, јашамајанлар сәһвдирләр” кими бир әгидә формалашыр. Нәтиҹәдә мүхтәлиф фобијалар әмәлә ҝәлир. Ислама мүнасибәтдә дә бу дөзүмсүзлүк өзүнү ҝөстәрир. Демократијадан данышан өлкәләрдә минарәләрин, һиҹабын гадаған едилмәси, “Гуран”ын јандырылмасы буна сүбутдур. Бунун мәнәви террордан башга бир ады јохдур”.
Експертин сөзләринә ҝөрә, ҝәнҹләр мүсабигәјә өз арашдырмаларыны тәгдим етмәјә башлајыблар: “Әсас истәк кејфијјәт үзәриндә ишләмәкдир. Бу сәбәбдән бүтүн мүраҹиәт едәнләрин арашдырмаларыны дејил, мәһз даһа кејфијјәтли арашдырмалары һәмин форумда ҝәнҹләрин тәгдиматына вермәк нијјәтиндәјик”.
Мүсабигә 2011-ҹи ил сентјабрын 11-дә јекунлашаҹаг. Һәмин ҝүн мүсабигәнин тәшкилатчылары ҝәнҹләр арасында ејниадлы форум кечирмәји планлашдырырлар. Ејнал Гардашов гејд едир ки, арашдырма јазылары форумда ҝәнҹләрин тәгдиматына вериләҹәк вә мүзакирәјә чыхарылаҹаг: “11 сентјабр һәм дә АБШ-да “Гуран”ын јандырылмасынын 1 или тамам олур. Форумун кечирилмәсинин вә мүсабигәнин јекунлашмасыныны һәмин тарихә тәсадүф еләмәсинин өз рәмзи мәнасы вар.
Ону да гејд едим ки, арашдырма јазылары “Позитив” адлы журналда чап олунаҹаг. Фүрсәтдән истифадә едиб ҝәнҹләримизи мүсабигәдә фәал олмаға чағырырам. Онлар өз јазыларыны "позитивик.биз@ҝмаил.ҹом" үнванына ҝөндәрә биләрләр”.
2010-ҹу ил сентјабрын 11-дә АБШ-да 11 сентјабр террорунун нөвбәти илдөнүмү заманы кешиш Терри Ҹонс “Гуран”ы јандырмаға һазырлашмышды. Сон анда о, фикриндән дөнсә дә, өлкәнин Теннесси штатында диҝәр 2 кешиш бу аддымы атды. Һәмин вахт һадисә һаггында мәлумат јајан нүфузлу информасија аҝентликләри хәбәр вердиләр ки, бу аддымы атан кешишләр һеч бир килсәјә мәхсус дејилләр.
Диггәт: Хәбәрдән истифадә етдикдә мәнбәјә истинад лазымдыр
