Әһли Бејт АБНА хәбәр аҝентлијинин вердији хәбәрә әсасән: Вәкил Дилгәм Ағајев мајын 10-да Бакы Истинтаг Тәҹридханасында олуб вә һүгугларыны мүдафиә етдији Т.Исмајыловла ҝөрүшүб.
Вәкилин вердији мәлумата ҝөрә, Т.Исмајылов бојнундакы ағрылардан әзијјәт чәкир: “Ҝөзләринин алтында ири ганчырлар вар, ҝөзләриндә исә гансызма мүшаһидә олунур. Вердији ифадәдә ҝөстәриб ки, аксија заманы полис әмәкдашларынын гадынлара һүҹум етдијини, дәјәнәклә онлары вурмаг истәдијини ҝөрүб вә онлары мүдафиә етмәк мәгсәдилә араја ҝириб. Бу заман полисләр ону дөјүбләр. Полис вердији ифадәдә исә билдириб ки, Тәрлан Исмајылов онлара мүгавимәт ҝөстәриб”.
Д.Ағајев гејд едиб ки, мәһкәмәнин һәбс гәрарындан апеллјасија шикајәти верилмәјәҹәк: “Буну әһәмијјәтсиз һесаб едирик. Тәрәддүдләримиз вар. Лакин јахын 10 ҝүн әрзиндә һәбсин ев дустаглығы илә әвәз едилмәсинә даир вәсатәт галдыраҹағыг”.
6 мај аксијасы илә бағлы јарадылмыш истинтаг групу Бакы Шәһәр Баш Полис Идарәсиндә фәалијјәт ҝөстәрир. Групун рәһбәри идарәнин Истинтаг вә Тәһгигат Идарәсинин рәиси Назим Исмајыловдур.
Вәкилин сөзләринә ҝөрә, һәбс олунан вә барәсиндә ҹинајәт иши галдырылан диҝәр 4 нәфәрин кимлији онлара бәлли олмадығындан һазырда мүдафиәнин бирҝә тәшкили дә мүмкүн дејил: “Јәгин ки, онлар дөвләт тәрәфиндән тәјин олунмуш вәкилләрлә тәмин едилибләр. Јахын 2-3 ҝүнә онларын кимлији бәлли олар”.
Диггәт: Хәбәрдән истифадә етдикдә мәнбәјә истинад лазымдыр
