Диггәт: Хәбәрдән истифадә етдикдә мәнбәјә истинад лазымдыр
8 may 2011 - 19:30
Xəbər kodu: 240716
Әһли Бејт АБНА хәбәр аҝентлијинин вердији хәбәрә әсасән: Әввәлки аксијаларда әсасән, адамлары һәбс еләјәнләр инди дөјмәклә мәшғулдур. Мүхалифәтин кечирдији етираз аксијларында полислә јанашы мүлки ҝејимлиләрин дә иштиракы артыг узун мүддәтдир ки, мүзакирә мөвзусудур. Мүлки ҝејимлиләр митинг иштиракчыларыны һәбс етмәкдә, етираз аксијаларыны дағытмагда полисә көмәклик ҝөстәрирләр. Мајын 6-да Тәһсил Назирлијинин гаршысында диндарларын кечирдији аксијада да мүлки ҝејимлиләрин сајы кифајәт гәдәр чох иди. Амма әввәлки аксијалардан фәргли олараг, бу дәфә онлар тәкҹә адам тутмагла мәшғул дејилдиләр. Әлләринә полис дәјәнәји алыб, аксија иштиракчыларыны ганына гәлтан еләмәкдә дә полисләрә јардымчы олурдулар. Журналистләрин чәкдикләри видеоҝөрүнтүләрдә дә бу факт ачыг-ајдын ҝөрүнүр. Дахили Ишләр Назирлијиндән адамлары дөјән, һәбс едән мүлки ҝејимлиләрлә бағлы мәсәләјә белә изаһ верилмишди ки, “онлар полис јанында Иҹтимаи Шуранын үзвләридир. Онлар аксијачылары дөјмүрләр, садәҹә, көнүллү олараг полисә јардым едирләр”.
