башланғыҹы өтән сајларымызда
Коммунистсәнсә, азад дејилсән...
Өзүм үчүн чохдан јәгин етмишдим: коммунист кими азад олмаг мүмкүн дејил. Мән кимин үчүнсә аләт вә васитәјә чеврилә билмәздим. Мән Әлијевлә даһа јахындан таныш оландан сонра буну бир даһа јәгин етдим. Онун мәгсәдә чатмаг үчүн истифадә етдији васитәләр мәним виҹдан принсипләримә јадды. Мән Русијадан ҝетмәк гәрарына ҝәлдим. Икиүзлүлүк олуб вә олаҹаг, виҹданла јашамаг истәјирсәнсә, ја мүбаризә апармалысан, ја да чыхыб ҝетмәлисән. Ҝетмәк јахшы арзујду, амма чох чәтинди. Чүнки биринҹи дәфә ҝөрүрдүм ки, достлар неҹә дә асан сәндән үз дөндәрә биләрләр, јазыглары ҝәләр, көмәк етмәјә ҹәсарәтләри чатмаз. Алчалмамаға ҹәһд ҝөстәрирсән, тәк галырсан. Һәгигәтә говушанда даһа бир истәјин күлә дөнүр. Бәлкә дә күлдән өд төрәмәси үчүн... Инсанлар реаллыгла арзуларынын говушаҹағына инанырлар.
Јалтаглар хору вә академикин “сәриштәсизлији”...
Әлијевин сәс-күјлү јалтаглар хорунда карјера газандыран бир амили унутмаг олмаз: бурда даимилик јохдур, мүнасибәтләрин јахшылығы мүвәггәтидир вә сәни ҹәзадан бир мүддәт сығорталајыр. Бу хорда бир адамын, МК катиби Ҹәфәровун өз сөзүнү демәк ҹәсарә
