Әһли Бејт -АБНА- хәбәр аҝентлијинин вердији хәбәрә әсасән: Мајын 6-да Тәһсил Назирлијинин гаршысында орта мәктәбләрдә һиҹабын гадаған едилмәсинә гаршы динҹ аксија кечирилмишдир. Аксијачылар һиҹабын гадағасына гаршы шүарлар сәсләндирмишләр. Аксијанын динҹ характерли олмасына бахмајараг, полис онлара гаршы зоракылыг етмиш, чохлу сајда инсаны һәбс етмишдир. Бөјүк сајда инсана гаршы гејри-инсани рәфтар тәтбиг едилмиш, зоракылыг ҝөстәрилмишдир.
Һүгуг мүдафиәчиси Интигам Әлијев баш верәнләрлә әлагәдар "Дејерлер.орҝ"а данышыб: "Сәрбәст топлашмаг азадлығы инсанларын һаггыдыр, о ҹүмләдән инанҹлы инсанлар да бу топлашмаг азадлығыны реаллашдыра биләрләр. Сон дөврләрдә өлкәдә инсан һагларынын бүтүн саһәләрдә олдуғу кими виҹдан азадлығы саһәсиндә дә проблемләр вар вә инсанлар һәмин проблемләри һөкумәт гаршысында галдырмаг вә дөвләт органларын сијасәтинә етираз етмәк һаггы вар. Нормал һөкумәтләр онларын һаггына һөрмәтлә јанашмалыдыр. Һәтта аксијанын иҹазәсиз олмасы белә, зор тәтбигинә рәваҹ вермир. Әҝәр динҹ топлашан инсанлар тутулурса, бу, писләнмәлидир".
Диггәт: Хәбәрдән истифадә етдикдә мәнбәјә истинад лазымдыр
