Әһли Бејт -АБНА- хәбәр аҝентлијинин вердији хәбәрә әсасән: Ихтисасҹа һәрби тәјјарәчи олан наМүбарәк 30 илдән чох Мисир Силаһлы Гүввәләриндә гуллуг едиб, лејтенант рүтбәсиндән авиасија маршалы рүтбәсинәдәк јүксәлиб. 1969-ҹу илдә Мисир Һәрби Һава Гүввәләринин гәрарҝаһ рәиси, 1972-ҹи илдә Һәрби Һава Гүввәләринин команданы вә мүдафиә назиринин мүавини тәјин олунуб.
1975-ҹи илдә витсе-президент постуна кечән Һүснү наМүбарәк 1981-ҹи илдә дөвләт башчысы Әнвәр Сәдат өлдүрүләндән сонра президент күрсүсүнү ҝөтүрүб. 1987, 1993 вә 1999-ҹу илләрдә Халг Мәҹлисиндә кечирилән алтернативсиз сечкиләрдә постуну әлиндә сахлајыб. 2005-ҹи илдә үмумхалг сәсвермәсиндә јенидән президент сечилиб.
Мәһәммәд Һүснү Сәид наМүбарәк 1928-ҹи ил мајын 4-дә Нил делтасында јерләшән Мануфијә губернаторлуғунун Кәфр-әл-Мусилха кәндиндә анадан олуб. 1949-ҹу илдә Һәрби Академијаны фәргләнмә илә битирәрәк, лејтенант рүтбәси алыб. 1950-ҹи илдә Билбејс шәһәриндә Һәрби Һава Гүввәләри Академијасына дахил олуб. 1956-ҹы ил Сүвејш мүһарибәсиндә иштирак едиб. 1969-ҹу илдә Мисир президенти Гамал Әбдүл Насер ону Мисир Һәрби-Һава Гүввәләринин гәрарҝаһ рәиси тәјин едиб. 1975-ҹи илдә Мисир Республикасынын витсе-президенти тәјин олунуб. 1978-ҹи илин августунда Мисирдә “Милли Демокартик Партија” јарадылыр вә Һүсни наМүбарәк онун сәдр мүавини, 1982-ҹи илдә исә партијанын баш катиби тәјин олунур.
О вахткы президент Әнвәр Сәдат 1981-ҹи ил октјабрын 6-да һәрби парадда өлдүрүлдүкдән сонра, өлкә конститусијасына мүвафиг олараг, Һүснү наМүбарәк президент тәјин едилиб. Әнвәр Сәдата суи-гәсд заманы Һүснү наМүбарәк өзү дә әлиндән јараланыб.
Һүснү наМүбарәк бу ил апрел ајында деврилиб.
Диггәт: Хәбәрдән истифадә етдикдә мәнбәјә истинад лазымдыр
