Әһли Бејт -АБНА- хәбәр аҝентлијинин вердији хәбәрә әсасән: Бакынын Нәсими рајону әразисиндә ағыр јол гәзасы баш вериб. Рајон Полис Идарәсиндән Милли.Аз хәбәр порталына верилән мәлумата ҝөрә, јол гәзасында бир нәфәр өлүб, ики нәфәр исә ағыр хәсарәт алыб.
Јол гәзасы мајын 4-нә кечән ҝеҹә саат 01:30 радәләриндә 20 Јанвар күчәсиндә баш вериб.
Гәзада 18 јашлы Ниҹат Мәммәдовун идарә етдији “ВАЗ-2107” маркалы автомобил, гаршы тәрәфдән ҝәлән Зөһраб Һүсејновун идарә етдитији “ТАТРА” маркалы јүк машыны илә тоггушуб. Зәрбәнин тәсириндән “ВАЗ-2107” чевриләрәк јахынлыгдан кечән “Һјундаи-Сантафе” маркалы машына да чырпылыб.
Гәза заманы Н.Мәммәдов алдығы хәсарәтдән јериндәҹә кечиниб, ики нәфәр исә хәсарәтлә 1 сајлы шәһәр хәстәханасына чатдырылыб.
Сүрүҹү З.Һүсејнов гәзадан сонра дејиб ки, јол илә һәрәкәтдә оларкән гаршыдан ҝәлән 3 машын сүрәтлә өтүшүрдү. Машынлардан икиси өтүб кечсә дә, “ВАЗ-2107” ҝәлиб тәкәрин алтына ҝирди. Сүрүҹүнүн сөзләринә ҝөрә, өтүшән машынларын сүрәти саатда 160 олармыш.
Јаралылардан Сәјјаф Гулијевин вәзијјәти ағырдыр.
Фактла бағлы ҹинајәт иши башланыб, гәзанын сәбәбләри арашдырылыр.
Диггәт: Хәбәрдән истифадә етдикдә мәнбәјә истинад лазымдыр
