Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Республикасы Ислам Партијасынын мүвәггәти сәдри бу партијанын Али Мәҹлисинин ҝәләҹәк иҹласына ишарә едәрәк дејиб: "Бу иҹласда Азәрбајҹан Республикасындакы мөвҹуд сијаси вә иҹтимаи вәзијјәт һагда мүзакирә едиләҹәк".
Бизим Јол гәзетинә мүсаһибәсиндә бу мәгама тохунан Елчин Манафов Ислам Партијасынын аксија иҹазәси алмаг үчүн Бакы Меријасына 3-ҹү дәфә олараг мүраҹиәт етмәк истәмәјәҹәјинә тәкид едәрәк дејиб:" Бу мөвзу Али Мәҹлисин иҹласында арашдырылаҹаг".
Азәрбајҹан Республикасы Ислам Партијасы бундан өнҹә билдирмишдир ки, бу өлкәнин ишғал едилмиш әразиләринин азад едилмәси үчүн еффектли реаксијанын верилмәси, һиҹаб гадағасынын ләғв едилмәси ,һабелә һиҹаб мүдафиәчиләри олан исламчы мәһбусларынын азад едилмәси үчүн аксија кечирәҹәкдир. Партија бу һагда 2 дәфә Бакы Меријасына мүраҹиәт етсә дә, һәр ики дәфә дә меријанын мүхалифәти илә үзләшиб.
Ислам Партијасынын мүвәггәти сәдри бундан өнҹә дә Бакы Меријасынын мүхалифәтләринә реаксијада бу ҹүр һәрәкәтләрин мүсәлманларын сәбринин түкәнмәсинә сәбәб олаҹағыны билдирмишди.
" Азәрбајҹан Республикасынын мүсәлман халгынын истәкләри, гануни истәкләрдир. Азәрбајҹан Республикасы халгы, Гарабағ Мүнагишәсинин һәлли истигамәтиндә тәсирли реаксијаларын ҝөстәрилмәси зәрурилији һагда тәкид үчүн аксија кечирмәкдә өзләрини һаглы билирләр. Бу халг һәмчинин Азәрбајҹан Республикасында анти-Ислами тәзјигләрин дајандырылмасы ,һабелә һиҹаб мүдафиәчиси олан исламчы мәһбусларын сәрбәст бурахылмасынын тәләб едилмәси һагда аксија кечирмәкдә өзүнү һаглы билир" –дејә Елчин Манафов билдирмишдир.
Ејни һалда Азәрбајҹан Республикасында һиҹаб мүдафиәчиси олан исламчы фәалларын гејри-гануни һәбсинин давам етмәси илә онлардан икиси " Өлүмә гәдәр аҹлыг аксијасы"на башлајыблар.
Кечән 16 јанварда Азәрбајҹан Республикасында һиҹабла мүбаризәјә етираз етдикләринә ҝөрә сахта бәһанәләрлә полис тәрәфиндән һәбс едилмиш Һөҹҹәтүл-Ислам Азәр Ҹәбијев вә Һөҹҹәтүл-Ислам Фәхри Илјасов мәһкәмәнин әдаләтсизлијинә етираз олараг, өлүмә гәдәр аҹлыг аксијасына башлајыблар.
Һөҹҹәтүл-Ислам Азәр Ҹәбијев вә Һөҹҹәтүл-Ислам Фәхри Илјасовун вәкилләри олан Елчин Намазов мүвәккилләринин мәһкәмә просесиндән наразы галдыгларыны билдирәрәк, дејиб:" Шаһидләрин бу ики руһанијә гаршы ифадә вермәмәсинә рәғмән, һаким онлара ҹәза кәсибдир, буна ҝөрә дә онлар бу просесә етираз олараг, өлүмә гәдәр аҹлыг аксијасына башлајыблар вә онларын вәзијјәтләри дә ағырдыр".
Елчин Намазов бу ики руһанинин һәбс едилмәсинин сифариш әсасында һәјата кечирилдијини билдирәрәк, дејиб:" Мәһкәмә просесинин әдаләтсиз олмасына ҝөрә, Азәрбајҹан Республикасы президентинә мүраҹиәт едәҹәјик".
Ејни һалда Сүлһ вә Демократија Институтунун директору Лејла Јунус да Һөҹҹәтүл-Ислам Ҹәбијев вә Һөҹҹәтүл-Ислам Илјасовун аҹлыг аксијасына башламаларына ишарә едәрәк, бу аҹлыг аксијаларынын Азәрбајҹан Республикасынын мәһкәмә системинин әдаләтсиз олдуғунун ҝөстәриҹиси олдуғуну дејиб.
Диггәт: Хәбәрдән истифадә етдикдә мәнбәјә истинад лазымдыр
