Әһли Бејт -АБНА- хәбәр аҝентлијинин вердији хәбәрә әсасән: Дүнән 29 апрелдә Ишғалчы Ермәнистан мүхалифәти нөвбәдәнкәнар сечкиләрә чағырыш етди. Тәшкилатчылар 3 тәләб ирәли сүрүбләр: Сијаси мәһбусларын азад олунмасы, Азадлыг мејданында митингләрин кечирилмәсинә гадағанын ләғви вә 2008-ҹи ил мартын 1-дә 10 адамын гәтлә јетирилмәси үзрә әдаләтли истинтагын апарылмасы.
Һазырда бу тәләбләрин икиси јеринә јетирилиб вә јалныз “сијаси мәһбуслар” азад едилмәјиб.
Ермәнистан президенти Серж Саркисјанын сон чыхышлары заманы мүхалифәтин үнванына дедикләри, һакимијјәтин бу мәсәләнин дә һәлл етмәјә һазыр олдуғуну еһтимал етмәјә әсас верир.
“Бизим ҝүҹлү һакимијјәтимиз вә, һакимијјәтә сајыглығыны итирмәјә имкан вермәјән, мүхалифәтимиз вардыр. Вә, әмәкдашлыг едәрәк, биз өлкәмиз үчүн ҹидди уғурлар әлдә едә биләрик. Вә биз ҝәрҝинлији арадан галдырмаг үчүн илк аддымы биринҹи атмаға һазырыг.
Мән артыг әдлијјә назиринә тәклифләр тәгдим етмәји тапшырмышам”, - дејиб Серж Саркисјан.
Митингиндән габаг пајтахта ҝәлән јолларын бағланылдығы хәбәр верилир.
“ЕПРЕСС.АМ” интернет ҝәзетинин мәлуматына ҝөрә, сәһәрдән Мартуни вә Севан рајон мәркәзләриндән Јеревана иҹтимаи нәглијјат һәрәкәт етмир, Јеранос кәнди јахынлығында исә јолу полисин патрул-кешикчи хидмәтинин автомашынлары бағлајыб.
Арташатдан Ермәни Үмуммилли Һәрәкатынын јерли фәалларындан бири Виктор Гаспарјанын сәһәр саат 8:30-да полис шөбәсинә апарылдығы хәбәр верилир.
Мүхалифәт дүшәрҝәсиндә бунунла бағлы нараһатлыг изһар олунуб.
Левон Тер-Петросјан Серж Саркисјанын ҝәлән ајын 28-дә Ермәнистанын Мүстәгиллик Ҝүнү гејд олундуғуна вә сијаси мәһбусларын бу мүнасибәтлә азад едилмәсинә ишарә етдијини хатырладыб.
Диггәт: Хәбәрдән истифадә етдикдә мәнбәјә истинад лазымдыр
