Әһли Бејт -АБНА- хәбәр аҝентлијинин вердији хәбәрә әсасән: Апрелин 28-и, саат 17:00-да Имам Хомејни адына Али Мәдрәсәдә Гумда тәһсил алан Азәрбајҹанлы тәләбәләрин вә “ Һиҹаб вә Һиҹаб Гадағасы Мәһбусларыны Мүдафиә комитәсинин” тәшәббүсү илә “Азәрбајҹан Республикасында иҹтимаи-сијаси, дини вәзијјәт” адлы конфранс кечирилиб. Бу конфрансын әсас мөвзусу илләрдән бәри мәрһәләли шәкилдә Ислама – шиәлијә гаршы јөнәлдилмиш сијасәт олду. Әввәл азан гадағасы, сонра шәхсијјәт вәсигәсиндә өртүклү шәкилләрин јасагланмасы, мәсҹидләрин сөкүлмәси, инди дә һиҹаб гадағасы.
Бунлар илк өнҹә мәктәбләри бәһанә едирләр. Тәдриҹән али мәктәбләр, иш јерләри, даһа сонра күчә вә хијабанлар, иҹтимаи јерләр һәдәфә алынаҹаг. Бунун өрнәјини биз Иранда, Шаһ заманында, Мисир вә Тунисдә ҝөрмүшүк.
Конфранс Мәшһәди Анарын Гуран тилавәти вә Имам Заманын (ә) фәрәҹ дуасы илә башлады.
Илк өнҹә сөз Азәрбајҹандан јениҹә гајытмыш түркијәли Һаҹы Бүлент Әминоғлуја верилди. О Ислам партијасынын рәһбәри Һаҹы Мөвсүмүн неҹә узагҝөрән,әхлаглы, габилијјәтли, шүҹаәтли вә иҹтимаи бир инсан олдуғундан сөһбәт ачды.
Даһа сонра ҺҺГМ МК үзвләриндән Һаҹы Нәсими Әсҝәров вә Кәрбәлаји Хәлил Исмајылов чыхыш етдиләр. Онлар бу комитәнин вә Мүбариз Руһаниләр Ҹәмијјәтинмин јарадылмасынын әсас сәбәләриндән данышдылар.
Һәр бир диндә руһанинин вәзифәси Аллаһын гојдуғу гајда-ганунлары тәблиғ етмәк вә бу барәдә инсанлары марифләндирмәкдир. Бу марифләндирмә мүхтәлиф јолларла ола биләр. Комитә Алманија, Укранија, Русија вә бир сыра башга өлкәләрдә нүмајәндәликләр ачмыш вә бир сыра фәалијјәтләр һәјата кечирмишдир. Комитәнин Һиҹаб.орҝ сајыты фәалијјәтдәдир.
Даһа сонра Һаҹы Елчин ҹәмијјәтдәки етиразларын сәбәбләриндән данышды. Билдирди ки, ҹәмијјәт вә инсан о заман етираз едир ки, онун һүгуг вә азадлыглары әлиндән алыныр.Тарих боју буна шаһид олмушуг вә һал-һазырда да бунун өрнәјини шәргдә ҝөрүрүк. Даһа сонра мәсҹидләрин сөкүлмәсиндән, тикинтиләринин дајандырылмасындан вә бунун мүгабилиндә синагог вә ја јени килсәләрин тикилмәси, онлар үчүн јени әразиләрин дөвләт тәрәфиндән ајрылмасындан данышды.
Даһа сонра Мәшәди Орхан Мәммәдов ҝөзәл чыхыш едәрәк, АБШ- ын тәшкилатчылығы илә Рио- де Жанејрода вә Гаһирәдә кечирилән конфранслардан данышды. Билдирди ки, о конфрансларда тәсдиг олунан лајиһәләр бу ҝүн Азәрбајҹанда һәјата кечмәкдәдир. Бу ҝүн Азәрбајҹанда милли-дини руһ јүксәклији јох дәрәҹәсиндәдир вә бу саһәдә маарифләндирмә апарылмыр. Он миндән артыг ган анализ үчүн Америкаја апарылыб вә бу барәдә кимсә мәсәлә галдырмыр.
Бу ҝүн шәргдә баш верән һадисәләр ону ҝөстәрир ки, биз өз һаггымызы вә динимизи горумалыјыг. Әҝәр бу ҝүн биз һаггымызы вә һүгугларымызы тәләб едә билмириксә, сабаһ орада олан һадисәләр бизим дә башымыза ҝәлә биләр.
Чыхышлардан сонра бәјанат охунду. Билдирилди ки, Азәрбајҹанда һаггсыз һәбс олунан руһаниләр дәрһал азад олунмалыдыр. Сонда Фатимеји-Зәһранын (сә) шәһадәти илә әлагәдар розә охунду вә мәҹлис сона чатды.
Диггәт: Хәбәрдән истифадә етдикдә мәнбәјә истинад лазымдыр
