Әһли Бејт -АБНА- хәбәр аҝентлијинин вердији хәбәрә әсасән: BBC медиа корпорасијасынын әмәкдашы Демиан Макгуинз Иҹтимаи Палатанын Бакыда кечирдији етираз аскијаларыјла бағлы репортаж һазырлајыб. Репортажда билдирилир ки, Азәрбајҹан мүхалифәти әрәб ингилабларындан илһамланараг Илһам Әлијев һакимијјәтинин дәјишдирилмәси вә демократик ислаһатларын кечирилмәси тәләбијлә күчәләрә ахышыб. Һөкумәт гүввәләри мүхалифәт тәрәфдарларынын гатылдығы динҹ аксијаја сәрт мүдахилә едиб.
“Етираз аксијаларынын кечирилмәси планлашдырылан мејданлара ҝириш бағланды. Инсанларын һәрәкәти мәһдудлашырылды. Анасы илә шәһәр ҝәзинтисинә чыхмыш 5 јашлы гызҹығаз “Азадлыг”, “Истефа” шүарлары сәсләндиријинә ҝөрә полис зоракылығыјла үзләшди. Митинги дағыдан полис 5 јашлы гызҹығыазы вә анасыны машына миндирәрәк намәлум истигамәтә апарды. Сонрадан мәлум олду ки, онлар јахынлыгдакы полис бөлмәләриндән биринә апарылыб. Рәсми мәлуматлара ҝөрә, Азәрбајҹан мүхалифәтинин јаратдығы Иҹтимаи Палатанын апрелин 17-дә кечирдији антиһөкумәт митинги заманы 65 нәфәр һәбс олунуб”,-дејә мүәллиф гејд едиб.
Демиан Макгуинз репортажында вурғулајыб ки, Азәрбајҹан нефтлә зәнҝин өлкә олса да тәбии сәрвәтдән ҝәлән ҝәлирләр бир груп инсанын әлиндә ҹәмләниб. Енержи истеһсалчысы олмасына бахмајараг пајтахт Бакынын бәзи јерләриндә електрик енержисинин верилмәсиндә проблемләр јашаныр.
“Гәрб өлкәләри вә бејнәлхалг тәшкилатлар Илһам Әлијев һакимијјәтини демократик ислаһатлар кечирмәјә чағырсада игтидар бу тәләбләри јеринә јетирмир. Илһам Әлијевин үзв олдуғу аилә 1993-ҹү илдән Азәрбајҹаны дәмир јумругла идарә едир”, - дејә репортажда билдирилир.
Диггәт: Хәбәрдән истифадә етдикдә мәнбәјә истинад лазымдыр
