Әһли Бејт -АБНА- хәбәр аҝентлијинин вердији хәбәрә әсасән: Бакы Шәһәр Иҹра Һакимијјәти Азәрбајҹан Ислам Партијасынын (АИП) митинг кечирмәклә бағлы етдији нөвбәти мүраҹиәтинә дә мүсбәт ҹаваб вермәјиб. Бу барәдә ФактХебер.ҹом-а АИП-ин Мәтбуат Хидмәтинин рәһбәри Акиф Һејдәрли мәлумат вериб. Онун сөзләринә ҝөрә, Бакы мериасындан Ислам Партијасынын митинг кечирилмәси мәгсәдәујғун һесаб едилмәјиб. "АИП-ин 10 мин нәфәрлик митинг кечирмәси пајтахт рәһбәрлијинә чәтинлик јарадаҹағындан БШИҺ буну мәгсәдәујғун һесаб етмәјиб. БШИҺ митинг үчүн алтернатив јер тәклиф етмәјиб"-дејә Акиф Һејдәрли әлавә едиб.
Гејд едәк ки, Иҹра Һакимијјәтинин митинг кечирилмәсинә иҹазә вермәмәсиндән сонра, АИП-ин атаҹағы нөвбәти аддымлар барәдә данышан Акиф Һејдәрли билдирди ки: "Артыг иҹазәсиз митинг кечирилмәси илә бағлы мәсәләјә јенидән бахаҹағыг. Ола билсин ки, бу дәфә иҹазәсиз митинг кечирилсин. Бу барәдә гәрар АИП-ин бүтүн реҝионлар вә рајонлардан ҝәлән үзвләринин кечирдији Баш Мәҹлисдә гәбул олунаҹаг. Мәһз Баш Мәҹлисдә митингин иҹазәли вә ја иҹазәсиз, һарада вә неҹә кечирилмәси барәдә гәрар гәбул едиләҹәк".
Нәзәринизә чатдыраг ки, мартын 29-да Азәрбајҹан Ислам Партијасы (АИП) апрелин 24-дә пајтахтын Низами рајону әразисиндә Г.Гарајев проспектиндә јерләшән “Тәбриз” кинотеатрынын гаршысындакы мејданда вә Нәриманов рајону әразисиндә Араз күчәси, 4 үнванында јерләшән, “Улдуз” метро стансијасынын гаршысында митинг кечирмәклә бағлы Бакы шәһәр Иҹра Һакимијјәтинә мүраҹиәт етмишди.
Хатырладаг ки, митингин кечирилимәсиндә әсас мәгсәд аксијада Гарабағын ишғалдан азад едилмәси, һиҹаба гадағанын ләғви вә һиҹдан мәһбусларынын азадлыға бурахылмасы иди.
Диггәт: Хәбәрдән истифадә етдикдә мәнбәјә истинад лазымдыр
