Әһли Бејт -АБНА- хәбәр аҝентлијинин вердији хәбәрә әсасән: АИП-ин сәдр әвәзи Һаҹы Елчин Манафов Азәрбајҹан Ислам Партијасынын митинглә бағлы Бакы Меријасына мүраҹиәтинә ҹаваб верилмәдијини билдирди.
Игтидарын иҹазә вермәсинин онларын өзләринә хејири олдуғуну өнә чәкән Һаҹы Елчин дејиб: "Бу иҹазә илә онлар демократијаја неҹә әмәл етмәләрини сүбут едәҹәкләр. Халг һәм динә тәзјиг, һәм дә ки, сосиал тәләбләрини ирәли сүрәҹәкләр. Анҹаг ҹидди ислаһатларын олмајаҹағы тәгдирдә адәтән халгын сәбри түкәнир. Сәбр түкәнмәсини исә һеч ким сығорталаја билмир. Даһа јахшы олар сөз демәјә имкан верәләр вә халг бир аз раһатлаја. Биз онларын да тәклифини мүзакирә етмәјә һазырыг. Үмид едирәм ки, Меријанын ҹавабы мүсбәт олаҹаг".
Митинг кечирмәкдә нијјәтләринин тәмиз олдуғуну өнә чәкән АИП-ин сәдр әвәзи сөзләринин сонунда иҹазә верилдији тәгдирдә иҹазәсиз аксијаја еһтијаҹын олмајаҹағыны билдириб.
Диггәт: Хәбәрдән истифадә етдикдә мәнбәјә истинад лазымдыр
