Әһли Бејт -АБНА- хәбәр аҝентлијинин вердији хәбәрә әсасән: Апрелин 17-дә аксија кечирмәјә ҹәһд заманы сахланылан АХҸП сәдринин мүавини Ҝөзәл Бајрамлы барәсиндә мәһкәмә гәрар чыхарыб. Вәкил Әсабәли Мустафајевин вердији хәбәрә ҝөрә, Нәсими Рајон Мәһкәмәсиндә кечирилән просесдә Ҝ. Бајрамлы барәсиндә 5 сутка мүддәтинә инзибати гајдада азадлыгдан мәһкум едилмә ҹәзасы тәјин олунуб.
Классик Халг Ҹәбһәси Партијасынын (КХҸП) тәшкилат шөбәсинин мүдири Хәзәр Тејјублу исә сахланылан бүтүн партија үзвләринә хәбәрдарлыг олундуғуну вә онларын сәрбәст бурахылдығыны билдириб. О, Нәсими рајон Мәһкәмәсиндә кечирилән просесләрдә КХҸП сәдри Мирмаһмуд Мирәлиоғлунун да иштирак етдијини гејд едиб.
Гејд едәк ки, апрелин 17-дә үмумиликдә 40 нәфәрин иши мәһкәмәләрә ҝөндәрилиб.
Диггәт: Хәбәрдән истифадә етдикдә мәнбәјә истинад лазымдыр
