Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанын апарыҹы мобил рабитә оператору олан «Азерҹелл Телеҹом» ширкәтиндән «АПА-ЕҸОНОМЫҸС»ә верилән мәлумата ҝөрә, мајын 1-дән етибарән «Азерҹелл» манат тарификасијасынын тәтбигинә башлајаҹаг: «Абунәчиләримизин мараг вә мәнафејини нәзәрә алараг данышыг гијмәтләриндә һеч бир баһалашма олмајаҹаг. Бунунла белә, бәзи ендиримләр ҝөзләнилир. Манат тарификасијасы барәдә апрел ајынын сонунда истифадәчиләрә әтрафлы мәлумат вериләҹәк».
Азәрбајҹанын илк мобил рабитә оператору олан «Бакҹелл» ширкәтиндән исә «АПА-ЕҸОНОМЫҸС»ә билдирилиб ки, ширкәтин Рабитә вә Информасија Технолоҝијалары Назирлији гаршысында манат тарификасијасына мајын 31-дәк кечидлә бағлы өһдәлији вар: «Бизим өһдәлијимиз ҝәлән ајын сонуна кимидир. Лакин артыг контур системинин ләғв едиб манат тарификасијасына кечид истигамәтиндә бир чох ишләр ҝөрүлүб ки, «Бакҹелл» јени өдәниш системинин тәтбигинә демәк олар ки һазырдыр. Бизим ијун ајынадәк вахтымыз вар, лакин чох ҝүман ки, манат тарификасијасынын тәтбигинә бир гәдәр тез башланаҹаг». Ширкәтдән һәмчинин билдирилиб ки, тарифләрдә һеч бир дәјишиклик олмајаҹаг, контур системиндә тәтбиг олунан данышыг һаглары манат еквивалентиндә олан тарифләрлә әвәзләнәҹәк.
Гејд едәк ки, Азәрбајҹанын диҝәр мобил рабитә оператору «Азерфон» ширкәти фәалијјәтә башладығы ҝүндән манат тарификасијасыны тәтбиг едиб.
Хатырладаг ки, бу илин јанвар-март ајлары әрзиндә Азәрбајҹанда актив мобил телефон абунәчиләринин сајы өтән илин Ы рүбү илә мүгајисәдә 13,6% вә ја 335,4 мин артараг 7,2 млн. тәшкил едиб.
Диггәт: Хәбәрдән истифадә етдикдә мәнбәјә истинад лазымдыр
