Әһли Бејт АБНА хәбәр аҝентлијинин вердији хәбәрә әсасән: Бакы шәһәр Баш Полис Идарәси вә Бакы шәһәр Прокурорлуғу Иҹтимаи Палатанын буҝүнкү аксија ҹәһди илә бағлы ачыглама јајыб
Ачыгламада билдирилир ки, өзүнү Иҹтимаи Палата адландыран гурума дахил олан ајры-ајры радикал мүхалифәт партијалары вә тәшкилатлар 2011-ҹи ил апрелин 17-дә Н. Нәриманов адына кинотеатрын гаршысында митинг кечирмәк барәдә Бакы Шәһәр Иҹра Һакимијјәтинә мүраҹиәт едиб.
Мүраҹиәтә бахылараг «Сәрбәст топлашмаг азадлығы һаггында» Азәрбајҹан Республикасы Ганунунун 7-ҹи маддәсинин Ы һиссәсинә әсасән иҹтимаи мәнафеләрин горунмасы, иҹтимаи асајишин позулмасынын гаршысынын алынмасы, иғтишаш вә ҹинајәтләрин баш вермәмәси, башга шәхсләрин һүгуг вә азадлыгларынын мүдафиәси мәгсәдилә аксијанын пајтахтын мәркәзи һиссәсиндә кечирилмәси онун јеринин дәјишдирилмәси формасында мәһдудлашдырылараг Сәбаил рајонунун Бибиһејбәт гәсәбәсиндәки стадион тәклиф олунуб.
Мүраҹиәтин мүәллифләринә бу һагда јазылы мәлумат верилиб, һабелә мүәјјән едилмәмиш јерләрдә кечириләҹәк митингин гаршысынын алынаҹағы вә баш верә биләҹәк иҹтимаи гајда позунтусуна ҝөрә мәсулијјәт дашыјаҹаглары барәдә онлар Бакы Шәһәр Баш Полис Идарәси вә Прокурорлуғу тәрәфиндән рәсми хәбәрдар олунублар.
Лакин аксијанын тәшкилатчылары апрелин 17-дә саат 16.00-дан башлајараг үмуми сајы тәхминән 150 нәфәрәдәк олан бир нечә групла мүхтәлиф истигамәтләрдән пајтахтын «Саһил бағы»нда топлашмаға ҹәһд ҝөстәриб. Полис органлары тәрәфиндән «Сәрбәст топлашмаг азадлығы һаггында» Азәрбајҹан Республикасы Ганунунун 14-ҹү маддәсинин ЫЫ һиссәсинә әсасән топлантынын тәшкилатчыларынын вә иштиракчыларынын дағылышмаг барәдә мәлуматландырылмасына, әкс һалда ганунвериҹилијә ујғун тәдбирләрин ҝөрүләҹәји һагда дәфәләрлә хәбәрдар олунмаларына бахмајараг бу тәләб јеринә јетирилмәјиб.
Ҝөрүлмүш тәдбирләрлә иҹтимаи гајданы позан һәрәкәтләрин гаршысы алынараг ганунсуз аксијанын 65 иштиракчысы сахланылыб. Онлардан 40 нәфәринин әмәлләри әрази полис бөлмәләриндә мүвафиг гајдада сәнәдләшдириләрәк топланмыш материаллар ганунла мүәјјән едилмиш тәдбирләрин ҝөрүлмәси үчүн аидијјәти мәһкәмәләрә ҝөндәриләҹәк. Изаһатлары алынмыш даһа 25 нәфәр, һүгугазидд һәрәкәтләрин јолверилмәзлији барәдә рәсми хәбәрдарлыг едилдикдән сонра сәрбәст бурахылыб.
Диггәт: Хәбәрдән истифадә етдикдә мәнбәјә истинад лазымдыр
