Әһли Бејт -АБНА-хәбәр аҝентлијинин вердији хәбәрә әсасән: Азәрбајҹанда 7 әсҝәрин өлүмү илә нәтиҹәләнән ағыр ҹинајәт һадисәси илә бағлы һәрби һиссәнин командири мәсулијјәтә ҹәлб едилиб. Буну журналистләрә ачыгламасында баш прокурор Закир Гаралов билдириб.
З. Гаралов дејиб ки, гејд едилән ҹинајәт һадисәси илә бағлы чох ҹидди тәдбирләр һәјата кечирилир: “Тәрәфимиздән кечирилән мүхтәлиф експертизалар нәтиҹәсиндә мәлум олуб ки, һадисәни һәмин әсҝәрләрдән бири төрәдиб. Һадисәнин һансы сәбәбдән баш вердији арашдырылыр. Һәмин һадисәнин баш верән һәрби һиссәнин рәһбәрлијинин чохсајлы ганун позунтуларына јол вердији ашкарланыб”.
Гејд едәк ки, февралын 20-дә саат 9.40 радәләриндә Азәрбајҹанда һәрби һиссәләрин бириндә өлүмлә нәтиҹәләнән ағыр ҹинајәт һадисәси баш вериб. Факта ҝөрә Ҹинајәт Мәҹәлләсинин 120.2.7 (ики вә даһа чох шәхси гәсдән өлдүрмә) маддәси илә ҹинајәт иши башланыб.
Һадисә зәмининдә Гулијев Наиб Фәхрәддин оғлу (1992 Бејләган РҺК 04.2010), Ҹавадзадә Ҹавид Вәкил оғлу (1991 Минҝәчевир РҺК 01.2010), Суанвердијев Нурлан Радфел оғлу (1991 Ағдам РҺК 04.2010), Хоҹберов Рамазан Абдулла оғлу (1992 Балакән РҺК 04.2010), Кәримов Әфган Јашар оғлу (1991 Балакән РҺК 10.2009), Һүсејнов Әһмәд Әһмәдалы оғлу (1992 Ағҹабәди РҺК 01.2010), Гулијев Закир Етибар оғлу (1991 Јасамал РҺК 01.2010) дүнјаларыны дәјишибләр.
Диггәт: Хәбәрдән истифадә етдикдә мәнбәјә истинад лазымдыр
