Әһли Бејт -АБНА- хәбәр аҝентлијинин вердији хәбәрә әсасән: Нәбил Рәҹәб Гәрбин Бәһрејндә баш верән гырғынлара, ҹинајәтләрә ҝөз јуммасына ишарә илә дејиб:
"Бејнәлхалг Һүгуг Тәшкилатлары Бәһрејндә баш верән ҹинајәтләрлә бағлы бир чох бәјанатлар јајымлајыблар. Амма тәәссүф ки, бу бәјанатларын һеч бири Гәрб дөвләтләринә тәсир етмәјиб...
Фарс көрфәзи әрәб өлкәләри Ливијаја гаршы һәрби әмәлијјатларда иштирак етдиләр. Бу һәмкарлыг мүгабилиндә Гәрб дөвләтләри сөз вердиләр ки, Әрәбистан вә Бәһрејн гошунларынын, о ҹүмләдән диҝәр дөвләтләрдән Бәһрејнә ҝөндәрилмиш муздурларын төрәтдији ҹинајәтләринә ҝөз јумулаҹаг."
Бәһрејн Инсан Һагглары Ҹәмијјәтинин рәһбәри Әрәб дөвләтләринин Бәһрејнә орду јеридәрәк мүдафиәсиз халгы әзмәсини писләјәрәк деди:
"Бу гошунларын мүстәгил бир дөвләтә сохулмасы Бејнәлхалг ганунларын ашкар шәкилдә позулмасы демәкдир. Парламент үзвләри вә әксәр сијасәтчиләр дә бу әмәлијјата гаршыдырлар. Бәһрејн падшаһынын халгы сусдурмаг үчүн хариҹи гүввәләрдән истифадә етмәјә һеч бир гануни әсасы олмајыб.
Бир нечә ҝүн өнҹә кечирилмиш етираз аксијаларында онларла инсан јараланыб вә 15 јашлы бир ҝәнҹ башындан алдығы ҝүллә јарасындан шәһид олуб.
Бәһрејн халгынын вәзијјәти олдугҹа ағырдыр. Бу өлкәдә инсан һагглары кобуд шәкилдә позулур. Бәһрејндә јаралылары хәстәханаја јерләшдирмәк белә олмур. Белә ки, хәстәханалар ордунун нәзарәти алтындадыр вә јаралылар бура јерләшдирилдикдә һәбс едиләрәк, дөјүлүр."
Диггәт: Хәбәрдән истифадә етдикдә мәнбәјә истинад лазымдыр.
