Әһли Бејт -АБНА- хәбәр аҝентлијинин вердији хәбәрә әсасән:Назирлијин мәтбуат хидмәтинин шөбә рәиси Орхан Мансурзадә дејиб ки, Бакы Шәһәр Иҹра Һакимијјәти пајтахтда күтләви аксијаларын кечирилмәси үчүн мүвафиг јерләр ајырыб: “Бакы Шәһәр Иҹра Һакимијјәти мүхалифәт партијаларына конкрет әразидә митинг кечирмәјә иҹазә вериб. Әҝәр онлар һәмин јердә митинг кечирәрсә, полис әмәкдашлары гануна мүвафиг олараг иҹтимаи асајиши вә аксија иштиракчыларынын тәһлүкәсизлијини тәмин едәҹәк. Әкс һалда, онлар Бакынын мәркәзи күчә вә мејданларында иҹра һакимијјәти илә разылашдырылмамыш аксија кечирмәјә, иҹтимаи асајиши позмаға ҹәһд ҝөстәрәрләрсә, гаршысы гәтијјәтлә алынаҹаг”.
Гејд едәк ки, Бакы Шәһәр Иҹра Һакимијјәти ИП-нын митинг кечирмәклә бағлы мүраҹиәтинә ҹаваб вериб. Бакы Шәһәр Иҹра Һакимијјәти “Нәриманов” кинотеатрынын гаршысындакы мејданда күтләви етираз аксијасы кечирмәјә иҹазә вермәјиб. Әвәзиндә аксијанын Бибиһејбәт гәсәбәсиндә кечирилмәси тәклиф едилиб. Иҹтимаи Палата исә митинги апрелин 2-си саат 14.00-да “Фәвварәләр мејданы”нда кечирмәјә гәрар вериб
Диггәт: Хәбәрдән истифадә етдикдә мәнбәјә истинад лазымдыр
