Әһли Бејт -АБНА- хәбәр аҝентлијинин вердији хәбәрә әсасән: Аксија тәшкилатчылары бир сыра тәләбләр ирәли сүрүбләр: һүгуг мүһафизә органлары тәрәфиндән ҝәнҹләр арасында наркоманијанын ҝениш јајылмасы һалларынын гаршысынын гәти сурәтдә алынмасы үчүн реал аддымларын атылмасы; јүксәк дөвләт вәзифәләриндә коррупсијаја вә рүшвәтхорлуға сон гојулмасы; ҝәнҹләрин мәшғуллуғунун тәмин олунмасы истигамәтиндә реал иш јерләринин ачылмасы; сыфырдан башлајан кичик саһибкарлығын инкишафына дөвләт дәстәји, әһалинин доланышыг вәзијјәтинин јахшыладылылмасы үчүн кәнд тәсәррүфатынын инкишафына фаизсиз, ҝировсуз, узунмүддәтли судаларын верилмәсинин тәшкили; сосиал әдаләтин тәмин едилмәси.
Бундан башга сакинләр нефт ҝәлирләринин вә диҝәр милли сәрвәтләрин әдаләтли бөлҝүсү истигамәтиндә конкрет аддымлар атылмасыны, бу мәгсәдлә әмәк һаггы, пенсијалар вә диҝәр сосиал өдәнишләрин минимум һәдләринин үч дәфә артырылмасыны, тәбии инһисарда олан хидмәтләрин гијмәтинин артмајаҹағына тәминат верилмәсини тәләб едирләр.
Һәмчинин әһалинин ичмәли су вә канализасија хәттләри илә тәмин олунмасы, ушаг мүәссисәләринин әсаслы тәмир олунмасы, бәрбад һалда олан јолларын асфалтлашмасы, зибилликләрин тәмизләнмәси тәләб олунур.
Тәләбләр сырасына газ вә електрик енержисиндән истифадә һагларынын гијмәтләринин ашағы ендирилмәси, өдәмәк габилијјәти олмајан вәтәндашларын газ вә ишығынын кәсилмәсинә сон гојулмасы, јығылыб галмыш борҹларын дөвләт тәрәфиндән силинмәсинин тәмин олунмасы дахилдир.
Сакинләр рајонда реал, сосиал, игтисади ислаһатларын апарылмасыны, әсас инсан һүгуг вә азадлыгларына, о ҹүмләдән сәрбәст топлашма азадлығына, ифадә азадлығына, дини етигад вә виҹдан азадлығына гојулмуш һүгуги вә иҹра характерли мәһдудијјәтләрин ләғвини тәләб едирләр.
Хатырладаг ки, апрелин 2-дә саат 14.00-да Бакыда мүхалифәтин митинги тәјин олунуб
Диггәт: Хәбәрдән истифадә етдикдә мәнбәјә истинад лазымдыр.
