Әһли Бејт -АБНА- хәбәр аҝентлијинин вердији хәбәрә әсасән: Бәһрејнин тәһлүкәсизлик гүввәләри шәнбә ҝүнү ингилабчыларын топландығы Әл Маликијјә кәндиндә јерләшән Әл Ковејкабат мәсҹидинә басгын едәрәк мәсҹиди јандырыблар.
Бу һүҹумда Бәһрејн һакимијјәтинин бәзи мүхалифләри һәбс олунуб. Бәһрејнин тәһлүкәсизлик гүввәләри һәмчинин Ҹәмалә мәсҹидинин имам ҹамааты Шејх Әбдүл Ҹәлил Әл Мигдады да сахлајыблар.
Шејх Әл Мигдад хүтбәләриндә елан едиб ки, тәләбләр һәјата кечәнә гәдәр аксијалар давам едәҹәк.
Манаманын Бәни Һәмзә, Крезкан, Дәмистан мәнтәгәләри дүнән Бәһрејн етиразчыларынын һаким режимә гаршы етиразларынын шаһиди олуб.
Тәһлүкәсизлик гүввәләри исә етиразчылары ҝөзјашардыҹы газ вә резин ҝүлләләрлә дағытмаға чалышыб.
Диггәт: Хәбәрдән истифадә етдикдә мәнбәјә истинад лазымдыр.
