Әһли Бејт -АБНА- хәбәр аҝентлијинин вердији хәбәрә әсасән: Е.Намазов билдириб ки, иш материаллары илә таныш олмаса да бир сыра ганунсузлуглар барәдә артыг мәлуматлыдыр: “Онун тәгсирләндирилән шәхс гисминдә ҹәлб олунмасы гәрарындан ҝөрүнүр ки, һәбсинин сәбәби Ислам Партијасынын сәдри Һаҹы Мөвсүм Сәмәдовла олан јахын мүнасибәтләридир. Истинтаг өзү белә јазыб. Јахын мүнасибәтә ҝөрә киминсә һәбс олунмасы тамамилә ганунсуздур. Бундан башга З.Микајылов сахланаркән бүтүн һүгуглары позулуб. Она барәсиндә ганунвериҹиликдә нәзәрдә тутулмуш вәзифәләр јеринә јетирилмәјиб. Сон вахтлара гәдәр аиләси онун һарада олмасыны билмәјиб. Бу барәдә ишә башладыгдан сонра бүтүн зәрури аддымлары атаҹағыг”.
Гејд едәк ки, Һаҹы Зүлфүгар Микајылов иҹтимаијјәт арасында нүфузу олан шәхсдир вә ону даһа чох Гуран һафизи кими таныјырлар.
Диггәт: Хәбәрдән истифадә етдикдә мәнбәјә истинад лазымдыр
