Әһли Бејт -АБНА- хәбәр аҝентлијинин вердији хәбәрә әсасән: Дүнја Мүсәлман Алимләр Бирлијинин сәдри шејх Јусиф әл-Гәрзави, нүмајишчиләрин өлдүрүлмәси барәдә тәлиматлар верән вә хариҹи өлкәләрдән муздлу әсҝәр ҝәтирән Ливија лидери Мүәммар Гәззафинин өлдүрүлмәсијлә әлагәдар бундан әввәл вердији фәтвасыны јениләјиб. Диктатор Гәззафини тәнгид едән Мисирин нүфузлу алими әл-Гәрзави, онун бир тағут вә ҝүнаһкар олдуғуну вә Ислам дини илә һеч бир әлагәсинин олмадығыны да билдириб.
Гејд едәк ки, дүнән Гәтәрин пајтахты Доһа шәһәриндә ҹүмә хүтбәсиндә, Ливијадакы ингилабын Аллаһын изни илә гәләбә илә сона чатаҹағыны сөјләјән әл-Гәрзави, Аллаһдан Ливија халгыны горумасыны дуа едиб: "Гәззафи хәстә бир инсандыр. О тәкәббүр едәрәк өзүнү философ ҝөрмәк истәјир. Аллаһа анд ичәрәм ки, Ливија ингилабы да гәләбә илә сона чатаҹаг, ингилабчылар мүгавимәт ҝөстәрәҹәк вә бу режимин сону ејнилә Тунис вә Мисирдәки режимләрин сону кими олаҹаг".
Диггәт: Хәбәрдән истифадә етдикдә мәнбәјә истинад лазымдыр
